Студенттеріміз теңбіл доп тартысынан жеңіспен оралды

Жуырда Құрманғазы атындағы Қазақ ұлттық консерваториясының студенттері Алматы қаласы Жастар саясатын дамыту Мемлекеттік қоры ұйымдастырған «Әкім Кубогы» футбол ойындарына қатысты. Айтулы доданың өтуіне Алатау ауданы Әкімінің аппараты атсалысты.

Теңбіл доп тартысында 24 команда бақ сынасты. Ойын алаңындағы қажырлы текетірес, жеңіске деген құлшыныс әрбір қатысушының бойынан байқалып тұрды. Спортшылар тартысты нағыз ойын өрнегін көрсетті.

Жарыста қарсыластарына жақсы тойтарыс бере білген консерватория студенттері 3-орынды қанжығалап қайтты.

Спорт салауатты өмір салтын қалыптастыратыны анық. Тартыста қоржындары бос қайтпаған студенттерімізді шын жүректен құттықтап, оларға толағай табыс тілейміз!