«Тазалық сақтау салауаттылық белгісі» байқауы Құрманғазы атындағы Қазақ ұлттық консерваториясында

2024 жылғы 4 қазан күні Құрманғазы атындағы Қазақ ұлттық консерваториясының жатақханасында «Тазалық сақтау салауаттылық белгісі» атты конкурс өтті.

Іс-шара студенттер арасында тазалық пен тәртіпті сақтау мәдениетін қалыптастыру және қауіпсіз әрі жайлы өмір сүру жағдайларын жасауда жауапкершілікті тәрбиелеу мақсатында ұйымдастырылды.

Байқауға жеке кеңістігін ұтымды ұйымдастыру мен тәртіпті сақтауда табандылық танытқан барлық факультеттер мен курстардың студенттері қатысты. Студенттермен және түлектермен жұмыс жөніндегі бөлімнің өкілдерінен, жатақхана басшылығы мен студенттер кеңесінің мүшелерінен тұратын комиссия қатысушылардың бөлмелерін келесі критерийлер бойынша бағалады: тазалық, кеңістікті тиімді пайдалану, бөлмені ерекше етіп безендіру, сондай-ақ санитарлық-гигиеналық нормаларын сақтау.

Байқау соңында тұрмыс жағдайында ең үздік нәтиже көрсеткен бес бөлменің жеңімпаздары анықталды. Студенттерге дипломмен бірге жатақханада тұруға одан да қолайлы жағдай жасау үшін жаңа тоңазытқыштар сыйға берілді.

«Тазалық сақтау салауаттылық белгісі» байқауы студенттердің жатақханадағы өмір сүру жағдайына жауапкершілікпен қарауын қалыптастыру және студенттік қауымдастықта қолайлы әлеуметтік және тұрмыстық орта жасауға бағытталған маңызды бастама болып табылады.