"Тіл-достық көпір" атты тілдер апталығы өткізілді
2023 жылдың 25-28 қыркүйек аралығында Құрманғазы атындағы Қазақ ұлттық консерваториясының ӘГП кафедрасында қазақ және шет тілдері секциясының ұйымдастыруымен Қазақстан халықтарының Тілдер күнін мерекелеуге арналған "Тіл-достық көпір" атты тілдер апталығы өткізілді.
Апталық барысында 1-2 курс студенттер арасында "Қазақстандағы үштілділік" тақырыбында дөңгелек үстел, қазіргі Қазақстандағы тілдердің рөлі туралы пікірталас, " Who knows you better:your parents or your friends?" атты қазақ, орыс және ағылшын тілдерінде дебаттық сайыстар өтті.
Аталмыш іс-шаралар студенттерің тілдерді, туған жерінің тарихын, Қазақстанның тіл саясатын және қазіргі жағдайда әртүрлі тілдерді үйренудің маңыздылығын түсінудің жоғары деңгейін көрсетті.
Нәтижелі пікір алмасу барысында өзекті тақырыптар қозғалып, тың идеялар ұсынылды. Дебаттық сайыстарда студенттер шығармашылық, ұйымшылдық, көшбасшылық, шешендік өнерлерін көрсете білді. Атқарылған іс-шаралардың тәрбиелік мәні зор және қатысушылар мен көрермендердің қызығушылығын арттырды.
