Тілес Қажығалиевтың 75 жылдығына арналған «Тілес Қажығалиев – дарынды композитор» атты виртуалды көрмесі
Құрметті оқырмандар!
Ғылыми-ақпараттық кітапхана қызметі көрнекті композитор, Ленин комсомолы сыйлығының лауреаты, Қазақстанның халық әртісі Тілес Шамғонұлы Қажығалиевтің (1949-1996) туғанына 75 жыл толуына орай «ТІЛЕС ҚАЖЫҒАЛИЕВ – ДАРЫНДЫ КОМПОЗИТОР» атты виртуалды кітап көрмесін дайындады.
Тілес Қажығалиев – қазіргі заманның дарынды композиторы. ХХ ғасырдың екінші жартысындағы Қазақстанның шығармашылық зиялылардың көрнекті өкілі. 1949 жылы Алматы қаласында дүниеге келген. К. Бәйсейітова атындағы арнайы музыка мектебін бітіргеннен кейін Тілес П. Чайковский атындағы Мәскеу қаласындағы мемлекеттік консерваториясының композиция класын атақты педагог, профессор М.И Чулакидің класында тәмамдады.
Т. Қажығалиевтің ерте байқалған шығармашылық, композиторлық қолтаңбасы кейінгі шығармаларынан да, әсіресе, оркестрлік жазбаларында дамуын тауып, толыға түсті. Қажығалиев 1979 жылы Б. Аюхановтың либреттосына қойылған бір актілі «Керуен» балетіне, 1988 жылы З. Райбаевтың либреттосына екі актілі «Дала хикаясы» балетін жазды. Ән-би ансамбілінің сахналық репертуарына арналған хор, симфониялық, музыка-хореографиялық элементтердің жиынтығы бар партитуралары үлкен тәжірбие мектебі болды. Он екі көркем және деректі фильмдерге, сонымен қатар, классикалық күрделі шығармалармен қатар эстрадалық жанрына да музыка жазды. Оның әндері танымал эстрада әншілерінің репертуарынан орын алып, концерттерде, радио, теледидардан шырқалды.
ҒАКҚ қорынан виртуалды кітап көрмесіне композитордың шығармалары, қолжазбалары, ғылыми-зерттеу жұмыстары (диссертациялар, тезистер) және халықаралық ғылыми-тәжірибелік конференция материалдары қойылған.
Тілес Қажығалиевтің шығармашылығымен танысу үшін ҒАКҚ-нің Электрондық кітапханасына кіріп, «Басты мәзірде» – «Виртуалды көрмеге» кіріңіз немесе мына сілтемеге өтіңіз: http://185.217.181.84:8087/JIrbis2/index.php?option=com_irbis&view=irbis&Itemid=385
Виртуалды кітап көрмесі 2024 жылдың 25 сәуірінен 18 маусымға дейін қолжетімді болады.