«Violinissimo» халықаралық скрипкашылар байқауы аясында шеберлік сыныптары өтті.

2023 жылдың 11 қазанында консерваторияның Ғ. Жұбанова атындағы Камералық залында және 210 аудиториясында «Violinissimo» халықаралық скрипкашылар байқауы аясында шеберлік сыныптары өтті. Шеберлік сабақтарын Musikhochschule (Кельн), EuroArts академиясы және Talent Music Master академиясының скрипка профессоры, Г.Венявский атындағы байқаудың лауреаты (Познань, Польша) – Михаил Вайман және Халықаралық байқауларының лауреаты, «Еуразия солистері» оркестрінің (Женева) және «Basel Infinity» фестивалінің (Базель) көркемдік жетекшісі, «Swiss Orchestra» симфониялық және «I TEMPI» камералық оркестрлерінің концертмейстері (Швейцария) – Шернияз Мусахан өткізді.