Ғылыми жарияланымдар туралы ақпараттық сессия

2024 жылғы 14 ақпанда өнертану кандидаты, қауымдастырылған профессор, Saryn журналының редакторы Дамир Уразымбетов консерваторияның оқытушылары мен докторанттарына арналған «Жарияланымдар, ғылыми базалар және әлеуметтік желілер» атты ақпараттық сессиясын өткізді.

Іс-шараны өнертану кандидаты, ғылыми-шығармашылық қызмет және халықаралық ынтымақтастық жөніндегі проректор, Ғалия Бегембетова ашып, кездесудің өзектілігі мен қажеттілігі атап өтілді. Ғалия Зайнақұлқызы бүгінгі таңда консерваторияның әлемдік білім беру және ғылыми кеңістіктегі жетістіктерін дәріптеуге ерекше назар аудару маңызды екенін атап өтті.

Ғылыми қоғамдастыққа арналған заманауи интерактивті алаңдар, пікір алмасуға және жарияланымдарға кең мүмкіндіктер береді. Сол себептен ақпараттық сессияда беделді журналдарда дәйексөз келтіру және ғылыми әлеуметтік желілерде ғалымдардың мақалаларын ілгерілету мәселелері талқыланды. Сонымен қатар, Д. Уразымбетов бірқатар библиографиялық базалар мен цифрлық кітапханалар туралы айтып берді.

Құрманғазы атындағы Қазақ ұлттық консерваториясы шығаратын және рецензияланатын Saryn журналының жарияланымдары мен ілгерілеуіне, ерекше назар аударылды.