Зағип және нашар көретін азаматтарды қолдау іс-шарасында Құрманғазы атындағы Қазақ ұлттық консерваториясы студенттерінің әлеуметтік бастамасы

2024 жылдың 12 желтоқсанында Құрманғазы атындағы Қазақ ұлттық консерваториясының студенттері КСРО Халық әртісі Бибігүл Ахметқызы Төлегенованың 95 жылдығына арналған мерекелік концертке қатысты.

Іс-шараны Зағип және нашар көретін азаматтарға арналған республикалық кітапхана ұйымдастырды.

Студенттер және түлектермен жұмыс жасау бөлімі көру қабілеті шектеулі адамдарды мәдени тұрғыда қолдауға бағытталған концерттік бағдарламаны дайындауға белсенді ықпал етті. Бағдарлама аясында қазақ мәдениетінің тереңдігі мен сұлулығына толы музыкалық шығармалар орындалып мерекелік көңіл күй сыйлады.

Студенттердің осындай іс-шараларға қатысуы консерваторияның әлеуметтік жауапкершілік пен студенттердің мейірімділік, сезімталдық және қоғамға қызмет ету құндылықтарын қалыптастыруға деген ұмтылысын көрсетеді.

Осы тұста, Құрманғазы атындағы Қазақ ұлттық консерваториясы зағип және нашар көретін азаматтарға арналған республикалық кітапханаға осындай маңызды оқиғаның бір бөлігі болуға мүмкіндігі үшін алғыс білдіреді.