«Жұбановтар әуені – 2022» халықаралық хор музыкасы фестиваль- байқауы өтті

Таяуда Ақтөбе қаласында Ақтөбе облысының әкімдігі, Ақтөбе облыстық Мәдениет, архивтер және құжаттама басқармасының қолдауымен Қазақ кәсіби музыка өнерінің негізін салушы, академик Ахмет Қуанұлы Жұбановтың атын мәңгі есте қалдыру мақсатында, ұлағатты ұстаз, композитор, Қазақстанның және КСРО-ның халық артисі Ғазиза Ахметқызы Жұбанованың туылғанына 95 жыл толуына орай «Жұбановтар әуені – 2022» халықаралық хор музыкасы фестиваль-байқауы өтті.

Байқауға Татарстан елінен және Қазақстанның Астана, Алматы, Тараз, Шымкент, Қызылорда, Ақтау, Атырау, Орал, Павлодар,Ақтөбе қалаларынан 17 хор ұжымы қатысты.

Қазылар алқасының төрағасы – ҚР халық артисі, ҚР Мемлекеттік  сыйлығының лауреаты, «Құрмет» және «Парасат» ордендерініңиегері,  Құрманғазы атындағы Қазақ ұлттық консерваториясының «Дирижерлеу» кафедрасының меңгерушісі, профессор Базарғали Әжиұлы Жаманбаев болды.

Фестиваль-байқау аясында облыс әкімдігі және шара ұйымдастырушылары ардагер-ұстаз Базарғали Әжиұлы Жаманбаевтымерейлі 80 жасымен құттықтады. Маэстро Ақтөбе қаласы әкімінің «Облысқа сіңірген еңбегі үшін» төсбелгісімен марапатталды.