«Жаңару көкжиектері» тақырыбында кураторлық сағат өтті

14 қыркүйек күні Құрманғазы атындағы ҚҰК-ның Е.Рахмадиев атындағы үлкен концерт залында Тәрбие және әлеуметтік жұмыстар жөніндегі проректор Мұхамбет Ашхатұлы Ешмұханов өнер-білім ордасының білім алушыларына «Жаңару көкжиектері» тақырыбында кураторлық сағат өткізді.

Шара кезінде «Әлеуметтік-гуманитарлық пәндер» кафедрасының меңгерушісі, философия ғылымдарының докторы Әлима Қайырбекова, кафедра оқытушылары, олардың ішінде философия ғылымдарының кандидаты Тамара Сатыбалдина, тарих ғылымдарының кандидаты Айдос Тоқтағұл мен гуманитарлық ғылымдар магистрі Қарлығаш Матжанова ҚР Президенті Қасым-Жомарт Тоқаевтың 2022 жылдың 1 қыркүйегіндегі Қазақстан халқына Жолдауын кураторлық сағатқа жиналған студенттерге жан-жақты талдап, жете түсіндірді. Білім алушылар өздерін толғандырып жүрген сұрақтарға тұшымды жауап алып, жаңа кезеңге қадам жасауға бағытталған оң өзгерістерді қолдайтындықтарын білдіріп, қасиетті Отанымызды бірге өркендетуге атсалысатындықтарын айтты.