Консерватория жаңалықтары

2022 жылдың 20-25 сәуірінде Қырғыз Республикасының астанасы Бішкек қаласында Халықаралық форматтағы ауқымды шаралар өтті. Қалың бұқараның назарына Қырғыз Республикасының Мәдениет, ақпарат, спорт және жастар саясаты министрлігінің, Қырғыз Республикасы Ұлттық ғылым академиясының, А.А.Алтмышбаев ат. Философия, құқық және әлеуметтік-саяси зерттеулер институтының, Шыңғыс Айтматов ат. Тіл және әдебиет институтының және «Қырғыз дәстүрлі музыкасы» Қорының қолдауымен Дәстүрлі музыка күні және ІХ Халықаралық музыка және би конгресіне арналған Дәстүрлі музыка апталығы ұсынылды.

26 сәуір күні Құрманғазы атындағы ҚҰК Ф. Шопен атындағы камералық залында  Құрманғазы атындағы Қазақ ұлттық консерваториясының 4-курс студенті, Қазақстан Республикасының еңбек сіңірген қайраткері Гүлзат Дәуірбаева сыныбының шәкірті, Абай атындағы Қазақ Ұлттық опера және балет театрының стажер-солисті Аяжан Қуанышәлиеваның жеке концерті өтті. Бұл күнгі концертте шетел және қазақ композиторларының әндері шырқалды. Аяжан Қуанышәлиеваның музыка мәдениетінің тарихына белькантоның көрнекті шебері ретінде енген италиялық композитор – Винченцо Беллинидің «Норма» операсындағы Норманың каватинасын орындауы концерттің беташары іспеттес болды.

26 сәуір күні Алматыдағы Құрманғазы атындағы Қазақ ұлттық консерваториясының Еркеғали Рахмадиев атындағы Үлкен концерт залында Құрманғазы атындағы ҚҰК профессоры, ҚР Еңбек сіңірген Мұғалімі Нина Михайловна Патрушеваны еске алу кеші өтті. Кештің құрметті қонағы ретінде шақырылған шәкірті, музыкалық педагог, профессор, Қазақстанның Еңбек Ері, кеңестік және қазақстандық әйгілі скрипкашы Айман Қожабекқызы Мұсақожаева Нина Михайловна туралы жылы естеліктерін ортаға салып, аяулы ұстазының өзінің ғана емес, өзге де шәкірттері үшін де өнердегі Темірқазығы екенін атап көрсетті.

Бүгін дәстүрлі өнердің қарашаңырағында «Халық музыкасы» факультетіне қарасты «Халық әні» кафедрасы «Аққулы мекен» атты батыс аймағының ән, жыр кеші өткізді. Мерекелік шара А.Жұбанов атындағы кіші залда өтті. Концерт барысында Батыс аймақтың сирек орындалатын әндері шырқалып, термелері орындалды.

21-22 сәуір күндері өнер-білім ордасында «Музыка теориясы» білім бағдарламасы бойынша Кіші Олимпиада мәресіне жетіп, жеңімпаздар анықталды.

Жуырда Құрманғазы атындағы Қазақ ұлттық консерваториясының студенттері Алматы қаласы Жастар саясатын дамыту Мемлекеттік қоры  ұйымдастырған «Әкім Кубогы» футбол ойындарына қатысты.

Жақында магистратура, докторантура білім беру бағдарламалары бойынша білім алатын бітірушілерге арнап ZOOM платформасында онлайн форматта «Қаржы орталығы» АҚ-ның жетекші менеджері Ибраева Жанар Саметқызының қатысуымен конференция өткізілді. Конференция барысында түлектерге мемлекеттік білім беру грантын өтеу туралы толық ақпарат берілді, сондай-ақ, білім алушылар өздерін толғандырған сұрақтарға маман тарапынан тұщымды жауап ала алды.

Жалпы «Қаржы орталығы» АҚ өкілімен кездесу өтетіні туралы ақпарат өнер-білім ордасының ресми сайтында алдын ала жарияланған болатын.

21 сәуірде дәстүрлі өнердің қарашаңырағында жоғары оқу орындарының студенттері арасында дәстүрлі музыкалық өнер бағыты  «Халық әні» аталымы бойынша XIV Республикалық пәндік студенттік олимпиадасы өз мәресіне жетті.

19 сәуірде өнер-білім ордасының Е.Рахмадиев атындағы Үлкен концерттік залында түрлі мамандықтардың студенттерін, халықаралық байқаулардың қатысушылары мен жеңімпаздарын марапаттау рәсімі өткізілді: