Консерватория жаңалықтары

2022 жылдың 15 сәуірінде Құрманғазы атындағы Қазақ ұлттық консерваториясының Е.Рахмадиев атындағы Үлкен концерттік залында «Қобыз және баян» кафедрасының оқытушысы, «Құрмет» грамотасы мен «Ұлт мақтанышы» төсбелгісінің иегері, Ғалымжан Нарымбетовтың «PJAZZOLLA FOREVER» атты шығармашылық концерті өтті.

Жақында Құрманғазы атындағы Қазақ ұлттық консерваториясының Еркеғали Рахмадиев атындағы Үлкен концерт залында Берлиннен келген қонақ, дирижер әрі пианист Маттиас Манази мырза шеберлік сыныбын өткізді.

«Музыкалық білім беру» ББ бойынша жоғары оқу орындарының студенттері арасында 2022 ж. 11-13 сәуірінде өткен ҚР БҒМ XIV Республикалық студенттік пәндік олимпиадасының жеңімпаздарын құттықтаймыз!

Үлкен олимпиадаға Қазақстанның әртүрлі қалаларынан 17 студент қатысты. Қазылар алқасының шешімімен «музыка мұғалімінің орындаушылық шеберлігі» 1 номинациясы бойынша жеңімпаздар келесі орындарға ие болды:

«Арнайы фортепиано» кафедрасының 2 курс магистранты Закирова Әсем (жетекшісі Қойлыбаева М.Т., PhD, музыкатану және композиция кафедрасының доценті) ТМД елдерінің шығармашылық университеттерінің магистранттары арасында өткен «Үздік постерлік есеп» атты ІІ Халықаралық онлайн байқауында 3 орынға ие болды. Байқауды Т.Қ.Жүргенов атындағы Қазақ ұлттық өнер академиясы ұйымдастырып отыр. Байқау комиссиясының құрамына ТМД-ның жетекші шығармашылық университеттерінің ғалымдары мен оқытушыларының халықаралық алқасы кірді. Әсем «Фортепианолық байқау - орындаушылық интерпретацияны жүзеге асыру ретіндегі платформа» тақырыбында баяндама жасап, қазылар алқасы мүшелері арасында қызу пікірталас тудырды. Байқау нәтижелері онлайн режимінде жарияланды.

Жақында елордамызда өткен «Bilim-orkenieti» ұлттық инновациялық ғылыми-зерттеу орталығының ұйымдастыруымен өткен «Жылдың ең үздік волонтері» атты республикалық байқауда өнер ордамыздың 4-курс студенті Исматуллаева Карина Кудратуллаевна үздіктер қатарынан табылып, І дәрежелі дипломмен марапатталды.
Тек диплом ғана емес, Карина Кудратуллаевна ҚР волонтерлік қозғалысы дамуына қосқан үлесі және жастар арасындағы волонтерлік қозғалыста көшбасшылық қабілетін көрсете білгені үшін «Жылдың үздік волонтері» төсбелгісіне ие болып, жеке куәлік алды.
Жүлделі орынға ие болған студентімізге өнер әлемінде жоғары самғап, тек биік белестерден ғана көріне беруін тілейміз!

Сәуірдің 11 күні Құрманғазы ат. ҚҰК-нің Шопен атындағы камералық залында «Музыкант-орындаушының қалыптасуындағы фортепианоның көркемдік-ағартушылық рөлі» атты дөңгелек үстел өтті. Дөңгелек үстелді «Жалпы фортепиано» кафедрасының меңгерушісі, доцент Игорь Владимирович Олексенко ұйымдастырды. Әртүрлі мамандықта оқып жатқан 1-2 курс студенттері аталған тақырып бойынша тұсаукесер-баяндама дайындады.

Үрмелі және ұрмалы аспаптар кафедрасының студенті Ғазиз Мәліков Ресей Федерациясының астанасы Мәскеу қаласында өткен «Краски Музыки» ІІІ Халықаралық фестиваль-байқауында «Ағаш үрмелі аспаптар» (саксофон) аталымы бойынша І дәрежелі лауреат атанып қайтты.  Оқытушысы – Андрей Валерьевич Сафонов. Концертмейстері – Елена Анатольевна Скрипченко.

Құрманғазы атындағы Қазақ ұлттық консерваториясында өтіп жатқан XIV Республикалық пәндік студенттік олимпиадасында «Аспаптық орындаушылық» мамандығының «Үрмелі және ұрмалы аспаптар» аталымы бойынша жеңімпаздары анықталды.

2022 жылдың  7 сәуірінде Құрманғазы атындағы Қазақ ұлттық консерваториясының мәжіліс залында өнертану докторы, профессор Болат Ишанбайұлы Қарақұловтың 80 жылдығына арналған «Профессор Б. И. Қарақұловтың еңбектері және қазіргі музыка ғылымының өзекті мәселелері» атты Халықаралық Дөңгелек үстел өтті.