Консерватория жаңалықтары
2024 жылдың 22 сәуір мен 26 сәуір аралығында Erasmus+ бағдарламасы аясында Қазақстанға келген композитор, Вроцлавтағы Карол Липинский атындағы музыка академиясының (Вроцлав, Польша) театр және кино музыка студиясының жетекшісі, хабилитацияланған доктор Себастьян Ладыжинскийдің шеберлік сыныптары өтті. Вроцлавтағы Карол Липинский атындағы музыка академиясы Құрманғазы атындағы Қазақ ұлттық консерваториясының серіктесі болып табылады.
2024 жылдың 25 сәуірінде еліміздегі екінші деңгейлі банк Отбасы Банктің қаржы кеңесшісі Индира Сұлтанқызы, Құрманғазы атындағы Қазақ ұлттық консерваториясының жатақханасына арнайы келіп, студенттермен кездесу өткізді.
2024 жылғы 24-25 сәуірде Құрманғазы атындағы Қазақ ұлттық консерваториясының кіші залында «Аспаптық орындаушылық» мамандығы бойынша «Ағаш үрмелі аспаптар» және «Мыс үрмелі және ұрмалы аспаптар» номинациялары бойынша XVI Республикалық студенттік пәндік олимпиада өтті
Сәуір айының 23-24 күндерінде Құрманғазы атындағы ҚҰК XVІ Республикалық музыкалық колледждер мен мамандандырылған мектептердің білім алушылары арасындағы «Музыка теориясы» мамандығы бойынша Кіші олимпиада өтті.
2024 жылдың 24 сәуірінде Е.Рахмадиев атындағы Үлкен концерт залында кураторлық сағат аясында Шәкен Аймановтың 110 жылдығы және Құрманғазы атындағы Қазақ ұлттық консерваториясының 80 жылдығына арналған «Шәкен әлемі» атты мюзикл қойылымы болып өтті
2024 жылғы 15-19 сәуір аралығында Erasmus + бағдарламасы бойынша тағылымдама аясында, Құрманғазы атындағы Қазақ ұлттық консерваториясының оқытушылары, Виго жоғары музыкалық консерваториясына (Виго, Испания) барды.