Консерватория жаңалықтары

2024 жылы 4 желтоқсанда Құрманғазы атындағы Қазақ ұлттық консерваториясының 80 жылдық мерейтойын мерекелеу аясында конференц-залда шақырылған шетелдік ғалым, өнертану докторы (Dr. Hab.) Вена музыка және орындаушылық өнер университетінің Халық музыкасы және этномузыкология кафедрасының профессоры Ульрих Моргенштерннің (Австрия) мастер-классы өтеді.

2024 жылы 3 желтоқсанда Құрманғазы атындағы Қазақ ұлттық консерваториясының 80 жылдық мерейтойын мерекелеу аясында конференц-залда шетелдік ғалым — өнертану докторы, П. И. Чайковский атындағы Мәскеу мемлекеттік консерваториясының музыка теориясы кафедрасының профессоры, Ресей Федерациясының еңбек сіңірген өнер қайраткері Марина Карасёва, өзінің «Метафоралар мен синестезия музыканы және басқа өнерді шығармашылық оқытудың катализаторы ретінде» атты мастер-классын береді.

26 қараша күні Е. Рахмадиев атындағы Үлкен концерт залында Қазақ ұлттық өнер университетінің профессоры, Қазақстан Республикасының еңбек сіңірген қайраткері Нұрлан Измаиловтың жеке концерті өтті

26 қараша күні Әл-Фараби атындағы Қазақ ұлттық университетінде ҚР Сыбайлас жемқорлыққа қарсы іс-қимыл агенттігінің Алматы қаласы бойынша Департаментінің ұйымдастыруымен Республикалық сыбайлас жемқорлыққа қарсы студенттік олимпиада өтті

26 қараша күні А. Жұбанов атындағы кіші залда «Ансамбль өнері» кафедрасының үздік студенттері  мен магистранттары қатысқан «Жаңа Ұрпақ» концерті өтті

26 қараша күні Ғ. Жұбанова атындағы камералық залда классикалық және заманауи орындаушылық әлемінде есімі танымал скрипкашы, альтист, виолист, дирижер және музыкалық ұйымдастырушы Назар Кожухарьдың шеберлік сыныбы өтті

2024 жылғы 26 қарашада Құрманғазы атындағы Қазақ ұлттық консерваториясының студенттері, студенттер және түлектермен жұмыс жасау бөлімі, «Мейірім» еріктілер клубы және жастар ісі жөніндегі комитет мүшелері құрамымен «Алатау» әлеуметтік қызмет орталығында қайырымдылық концертімен болды

Құрманғазы атындағы Қазақ ұлттық консерваториясының, Халықаралық бөлімі академиялық ұтқырлық туралы ереже негізінде, арт-менеджмент кафедрасының екінші және үшінші курс студенттері арасында, республикалық бюджет қаражаты есебінен академиялық ұтқырлық бағдарламасына қатысуға конкурс жариялайды. Оқыту 2024–2025 оқу жылының II семестрінде, серіктес ЖОО Гнесиндер атындағы Ресей музыка академиясында (Мәскеу) өтеді. Барлығы 2 гранттық орын беріледі. Консерватория студентке ұшу ақысын, 120 күн тұру ақысын және медициналық сақтандыруды төлейді. Егер студент сессияны сәтті тапсырса, стипендия сақталады.

25 қараша күні Е. Рахмадиев атындағы Үлкен залда D’EL’SA Consort көне музыка ансамблінің орындауындағы «Барокко музыкасының концерті» өтті