Республикалық сыбайлас жемқорлыққа қарсы студенттік олимпиададан консерватория студенттері биіктен көрінді

26 қараша күні Әл-Фараби атындағы Қазақ ұлттық университетінде ҚР Сыбайлас жемқорлыққа қарсы іс-қимыл агенттігінің Алматы қаласы бойынша Департаментінің ұйымдастыруымен Республикалық сыбайлас жемқорлыққа қарсы студенттік олимпиада өтті.

Сыбайлас жемқорлыққа қарсы қызметтің он жылдығына орай өткізілген бұл іс-шараға консерваторияның «Музыкатану» мамандығының 2 курс студенттерінен тұратын «Музыкатанушылар» командасы қатысты.
 
Олимпиаданың онлайн форматта өткен 1 туры - эссе байқауына 90-ға жуық ЖОО-ның командалары қатысып, 20 команда 2 турға жолдама алды. «Музыкатанушылар» командасы да 2 турға жолдама алған болатын. Олимпиаданың 2 турында командалар ҚР заңдары бойынша 60 сұрақтан тұратын тестқа жауап беру, сыбайлас жемқорлық фактісі орын алған кейсті шешу және капитандардың сайысына қатысу керек болды. 2 турға қатысқан командалардың басым бөлігі «құқықтану» мамандығының студенттері болғанына қарамастан, «Музыкатанушылар» командасы өз білімдерін көрсетіп, «көрермендер көзайымы» марапатына ие болды.

Команда капитаны Мейірпаш Наурызбаева үш үздік капитанның бірі ретінде Әл-Фараби атындағы Қазақ ұлттық университетінің бірінші проректоры, заң ғылымдарының докторы, профессор Е.Э.Дүйсеновтың арнайы сыйлығымен марапатталды.

Команда мүшелері Мейірпаш Наурызбаева, Рабиға Темірова, Әсем Исаева, Айым Рамазанды және жетекшісі ӘГП кафедрасының аға оқытушысы Қарлығаш Матжанованы олимпиадағы лайықты жетістіктерімен құттықтаймыз!