Консерватория жаңалықтары
2024 жылғы 5 наурызда Құрманғазы атындағы Қазақ ұлттық консерваториясында Н. А. Римский-Корсаков атындағы Санкт-Петербург мемлекеттік консерваториясының ректоры, виолончель, арфа, контрабас және квартет кафедрасының профессоры, Ресейдің еңбек сіңірген әртісі – Алекcей Васильевпен кездесу өтті.
2024 жылдың 4 наурызында консерватория қабырғасында музыка ғылымдарының докторы, Луизиана Монро университетінің (АҚШ) профессоры Диана Тэчермен шығармашылық кездесу (шебер-класс) өтті.
2024 жылдың 1 наурызында консерваторияның студенттері мен оқытушыларына арналған YouTube продюсері Александр Мелентьевтің дәрісі өтті, ол «YouTube саласындағы продюсерліктің құпиялары-алғашқы түсірілімнен бастап, миллион жазылушы мен Алтын түймесіне дейін» деп аталды.
2024 жылғы 29 ақпанда Құрманғазы атындағы Қазақ ұлттық консерваториясына елдер арасындағы шығармашылық білім беруді және мәдени байланыстарды бірлесіп дамыту мәселелерін талқылау үшін тоғыз адамнан тұратын «Санта Чечилия» Рим Мемлекеттік музыкалық консерваториясының делегациясы келді.
2024 жылдың 29 ақпанында Ғ.Жұбанова атындағы камералық залда «Uniamoci per la musica» атты кеш өтті. Концерттік бағдарламада Абай атындағы ҚҰОБТ жетекші солисі, «Вокалдық өнер» кафедрасының ұстазы Артығалиев Ілияс Мұратжанұлының шәкірттері: Макар Ғани, Жақып Ұлан, Дидарұлы Дінмұхаммед өнер көрсетті.
2024 жылдың 29 ақпанында Е.Рахмадиев атындағы концерттік залда Қазақ ұлттық консерваториясының 80 жылдығына арналған «Музыкальное приношение» атты фортепиано музыкасының кеші өтті.
2024 жылдың 28 ақпанында А.Жұбанов атындағы концерттік залда Құрманғазы атындағы Қазақ ұлттық консерваториясы «Қобыз және баян» кафедрасының 4-курс студенті, Халықаралық және республикалық конкурстардың лауреаты Тайынова Айдананың «Замана сазы» атты жеке концерті өтті.