Консерватория жаңалықтары

2024 жылдың 27 ақпанында консерватория қабырғасында Құрманғазы атындағы Қазақ ұлттық консерваториясы «Қобыз және баян» кафедрасының оқытушысы, белгілі қобызшы, зерттеуші, «ҚР Мәдениет саласының үздігі» Саян Ақмолданың «Сағынтай сарыны» атты кітабының тұсаукесер рәсімі өтті.

Құрманғазы атындағы Қазақ ұлттық консерваториясының студенттері арнайы конкурстан өтіп, 2024 жылдың 17 ақпаны мен 20 маусымының аралығында стипендиясын сақтай отырып, республикалық бюджет есебінен академиялық ұтқырлық бағдарламасы бойынша серіктес-ЖОО — Н. Г. Жиганов атындағы Қазан мемлекеттік консерваториясына (Қазан, Ресей) оқуға жіберілді. Семестр бойы білім алушылар шетелдік оқытушылардың әдістері мен білімдерін игере отырып, Татарстан астанасындағы бай көпұлтты мәдениетті зерттей алады. Студенттердің барлық шығындары республикалық бюджет есебінен өтеледі.

2024 жылдың 28 ақпанында консерваторияның А.Жұбанов атындағы концерт залында кураторлық сағат аясында Халықаралық және республикалық байқаулардың лауреаты, Өнертану ғылымдарының магистрі, композитор, Нұрқасымов Болатбек Боранбайұлымен кездесу өтті.

2024 жылдың 27 ақпанында Ғ.Жұбанова атындағы камералық залда Құрманғазы атындағы қазақ ұлттық консерваториясының 80 жылдық мерейтойына арналған «Вокалдық музыка» кеші өтті.

2024 жылдың 27 ақпанында А.Жұбанов атындағы концерттік залда Республикалық және халықаралық конкурстардың лауреаты, Құрманғазы конкурсының 1 орын иегері, «Қобыз және баян» кафедрасының 4-курс студенті Сауыт Жандостың «Пассакалия» атты жеке шығармашылық кеші өтті.

2024 жылғы 21 ақпанда Құрманғазы атындағы Қазақ ұлттық консерваториясы қабырғасында ЖОО әкімшілігінің ұйымдастыруымен Алматы қаласы әкімдігі жанындағы Almaty Tourism Bureau өкілдері: MICE туризм департаментінің басшысы Айнұр Төрежанова және MICE туризм халықаралық департаментінің бас менеджері Лейла Ашимовамен арнайы кездесу өтті. Кездесуді ғылыми-шығармашылық қызмет және халықаралық ынтымақтастық жөніндегі проректор Ғалия Бегембетова, халықаралық бөлімнің басшысы Дамир Оразымбетов және халықаралық бөлімнің аға менеджері Серғазы Ерғазы өткізді.

2024 жылғы 27 ақпанда Құрманғазы атындағы Қазақ ұлттық консерваториясына серіктес-ЖОО — Өзбекстан мемлекеттік консерваториясының Нүкіс филиалынан (Нүкіс қаласы, Қарақалпақстан, Өзбекстан) екі күндік іссапармен арнайы делегация келді. Делегация құрамында филиал директоры Рудакий Алланбаев пен доцент Полат Тыныбаевтар болды.

2024 жылдың 26 ақпанында А.Жұбанов атындағы концерттік залда Құрманғазы атындағы қазақ ұлттық консерваториясының 80 жылдық мерейтойына орай Қазақстанның халық әртісі, ҚР мемлекеттік сыйлығының лауреаты, КЕАҚ Торайғыров университетінің профессоры, Құрманғазы атындағы ҚҰК құрметті профессоры Әбіл Шахимардан Қайдарұлының «Абай - толық адам, ыстық қайрат, нұрлы ақыл, жылы жүрек - ән концепциясы» атты шеберлік сабағы өтті.

 

2024 жылдың 26 ақпанында Құрманғазы атындағы Қазақ ұлттық консерваториясының А.Жұбанов атындағы концерт залында драматург Қанат Жүнісовтің либреттосына жазылған композитор Әліби Абдинуровтың жаңа туындысы «Сәкен» операсы көрерменге жол тартты.