Консерватория жаңалықтары

2023 жылдың 5 мамырында Құрманғазы атындағы Қазақ ұлттық консерваториясының Е.Рахмадиев атындағы Үлкен концерт залында Қазақстанның еңбек сіңірген артисі, профессор Жалғасбек Бегендіковтің 70 жылдық мерейтойына арналған шығармашылық концерт өтті.

Құрманғазы атындағы Қазақ ұлттық консерваториясының Ғылыми-ақпараттық кітапхана қызметі 9 мамыр – Жеңіс күніне арналған «ЖАСА, ЖЕҢІС МӘҢГІЛІК!» атты көрме дайындады.      

2023 жылғы 2-5 мамыр аралығында кәсіби бағдар беру жұмысы аясында Құрманғазы атындағы Қазақ ұлттық консерваториясының оқытушылары Айгалкаева Ботагоз Багдатқызы – «Арнайы фортепиано» кафедрасының доценті, Мәдениет саласының үздігі, Халилова Қорлан Маратқызы – «Ішекті аспаптар» кафедрасының аға оқытушысы, өнертану ғылымдарының магистрі, Иманбаев Азамат Қапуханұлы – «Үрмелі және ұрмалы аспаптар» кафедрасының оқытушысы, өнертану ғылымдарының магистрі, қабылдау комиссиясының жауапты хатшысы Абдуллиндер атындағы Шығыс Қазақстан музыкалық училищесіне (Өскемен), М.Төлебаев атындағы музыкалық училищеге (Семей) және Дарынды балаларға арналған музыкалық мектеп – интернатқа (Павлодар) барып, шеберлік сыныптарын және үш оқу орнының түлектерімен кездесу өткізді.

2023жылдың 30 сәуірі мен 5 мамыры аралығында Құрманғазы атындағы ҚҰК «Аспаптық орындаушылық» факультетінің деканы, PhD докторы, доцент Бекенова Айжан Сіләмқызының жетекшілігімен, өнертану ғылымдарының магистрі, «Арнайы фортепиано» кафедрасының аға оқытушысы Дүйсембаева Рабиға Сыдыққызы, сондай-ақ Қазақстанның Еңбек сіңірген қайраткері, «Үрмелі және ұрмалы аспаптар»  кафедрасының профессоры Ерманов Жанат Рахметоллаұлы Қызылорда, Шымкент, Тараз қалаларындағы арнайы-орта музыкалық мекемелері түлектеріне кәсіптік бағдар беру іс-шаралары мен шеберлік сыныптарын өткізіп қайтты.

2023 жылдың 4 мамырында Құрманғазы атындағы Қахзақ ұлттың консерваториясының А. Жұбанов атындағы концерттік залында Халық музыкасы факультеті «Домбыра» кафедрасының оқытушысы Мәдениет саласының үздігі, Өнер магистрі Асылбек Асылханұлы Кенегесовтың «Қоңыр саз» атты сыныптық лекция-концерті өтті.

Бүгін, мамыр айының 5 күні косерватория ғимаратында 2003 жылы Құрманғазы атындағы Қазақ ұлттық консерваториясының «Халық музыкасы» факультетін тәмамдаған түлектердің келелі кездесуі болып өтті.

2023 жылдың 3-5 мамыр аралығында Құрманғазы атындағы Қазақ ұлттық консерваториясының ұстаздары Күзеубай Аманкелді Ұзақбайұлы - PhD докторы, доцент, ҚР Мәдениет саласының үздігі, халық әні кафедрасының меңгерушісі, Абатова Алма Абдрақышқызы - ҚР еңбек сіңірген қайраткері, ішекті аспаптар кафедрасының профессоры,         Нұрғалиева Гүлнара Асылбекқызы - вокалдық өнер кафедрасының доценті, Көкшетау қаласындағы Біржан сал атындағы музыкалық колледжі, Қарағанды қаласындағы Тәттімбет атындағы музыка колледжі және облыстық дарынды балаларға арналған музыка мектебіне барып шеберлік кластары мен оқу орындарының түлектеріне арналған кәсіби бағыт беру жұмыстарын жүргізді.

Бүгін консерватория қызметкерлері, оқытушылары мен студенттері Қазақстан Республикасы бойынша өткен жалпыұлттық диктантқа қатысып, маңызды шараға атсалысты. «ЕРКІН ЕЛ ҰРПАҒЫ» тақырыбында өткен шара азаматтарымызды отанын сүюге, ел болашағы үшін риясыз қызмет етуге үндейді. Сондай-ақ, мемлекеттік тілдің қолдану аясының кеңеюіне, сауаттылық деңгейінің көтерілуне ықпал етеді. Осындай іс-шаралардың өтуі жастардың отаншылдық рухта тәрбиеленуіне де септігін тигізері анық.
Еліміз қарыштап дамып, бәсекеге қабілетті, жан-жақты әлеуеті жоғары мемлекетке айналсын!

2023 жылы сәуір айының 22-30 аралығында Құрманғазы атындағы Қазақ ұлттық консерваториясының оқытушылары «Вокалдық өнер» кафедрасының доценті, Ермек Серкебаев атындағы Халықаралық вокалистер конкурсының лауреаты С.А. Нұрғалиева, ҚР Еңбек сіңірген қайраткері, PhD докторы, «Фортепиано» кафедрасының доценті А.А. Тлеубергенов және «Үрмелі және ұрмалы аспаптар» кафедрасының оқытушысы А.Е. Пархоменко Ақтөбе қаласындағы А.Жұбанов атындағы музыкалық колледжіне, Атырау қаласындағы «Дина Нұрпейісова атындағы Халық музыкасы академиясы» музыкалық колледжі сондай-ақ, Ақтау қаласындағы Маңғыстау өнер колледждеріне арнайы барып, аталмыш оқу орындарында кәсіптік бағдар беру жұмыстарын жүргізіп қайтты.