Консерватория жаңалықтары

Бүгін Құрманғазы атындағы Қазақ ұлттық консерваториясының А. Жұбанов атындағы кіші залында Қазақстан Республикасы Үкіметінің 2012 жылғы 30 наурызындағы №390 «Маманды жұмысқа жіберу, бюджет қаражаты есебінен шеккен шығыстарды өтеу, өз бетінше жұмысқа орналасу құқығын беру, мемлекеттік білім беру тапсырысы негізінде білім алған Қазақстан Республикасының азаматтарын міндетті жұмысты өтеу, міндетінен босату немесе олардың міндетін тоқтату қағидаларын бекіту» туралы Қаулысының 8,14 тармақтарының 1,4 тармақшасына сәйкес, «Қаржы орталығы» АҚ өкілі Ибраева Жанар Саметқызының  қатысуымен ZOOM платформасында 2022-2023 оқу жылында бітіретін бакалавриат, магистратура, докторантура білім беру бағдарламалары бойынша білім алып жатқан бітіруші түлектерге арналған іс-шара өтті. 

 «Баян, аккордеон» (Варьете) номинациясы бойынша жоғарғы оқу орындары арасындағы республикалық студенттік пәндік олимпиадасына қатысушы үміткерлер бағдарлама бойынша талапқа сай екі шығармадан орындады. 

Бүгін Құрманғазы атындағы Қазақ ұлттық консерваториясының Ф. Шопен атындағы камералық залында «Қазақстандағы джаздың даму тарихы» атты лекция-концерт өтті.

«Дәстүрлі музыкалық өнер» білім беру бағдарламасы «Үш ішекті аспаптар» номинациясы бойынша жоғары оқу орындары арасындағы XV Республикалық студенттік пәндік олимпиадасы өтті.

«Дирижерлеу» мамандығы «Хорда дирижерлеу» номинациясы бойынша жоғарғы оқу орындары арасындағы XV Республикалық студенттік пәндік олимпиада өтті.

2023 жылдың 5-6 сәуірінде Құрманғазы атындағы Қазақ ұлттық консерваториясында «Аспапта орындаушылық» мамандығының «Ішекті аспаптар» номинациясы бойынша ХV Республикалық студенттік пәндік олимпиадасы өтті.

6-7 сәуірде Құрманғазы атындағы Қазақ ұлттық консерваториясында «Композиция» мамандығы бойынша ХV Республикалық студенттік пәндік олимпиада және мамандандырылған мектептер мен музыка колледждерінің оқушылары арасында Кіші олимпиада өтті.

2023 жылғы XV Республикалық олимпиадаға "6В01123 – Арт-менеджмент" мамандығы бойынша Қазақ ұлттық консерваториясының 5 студенті (Алматы қ.), Қазақ ұлттық хореография академиясының 3 студенті (Астана қ.), Қазақ ұлттық өнер университетінің 1 студенті (Астана қ.) және Т. Қ. Жүргенов атындағы Қазақ ұлттық өнер академиясының 5 студенті (Алматы қ.) қатысты.

 

2023 жылдың 7 сәуірінде Құрманғазы атындағы Қазақ ұлттық консерваториясы Наурыз мерекесін атап өтті. Қасиетті Рамазан айына тұспа-тұс келген мейрамға арналған кеш ауызашар дастарханына ұласты.