Консерватория жаңалықтары

Тәрбие және әлеуметтік жұмысы жөніндегі проректорының м.а. Ешмуханов Мұханбет Ашхатұлы тәрбие жоспарына сәйкес 1-курс студенттерімен «Жастар арасында құқық бұзушылықтың алдын алу» тақырыбында кураторлық сағатын өткізді. Сонымен қатар, жиынға қатысқан қонағымыз, Алматы қаласының Бостандық ауданы бойынша ювеналды полиция қызметкері, полиция капитаны Аманқұлова Тұрсынкүл Серғазықызы сөз алып, жастар арасындағы құқық бұзушылықтардың түрлерімен таныстырып, заң тұрғысында түсіндіру жұмысын жүргізді. Кураторлық сағат барысында полиция қызметкері студенттердің сұрақтарына тұшымды жауаптарын берді.

П.И.Чайковский атындағы Мәскеу мемлекеттік консерваториясында өткен Үрмелі және ұрмалы аспаптарда орындаушылардың XII Халықаралық байқауында «Валторна» номинациясы бойынша консерваториямыздың 4-курс студенті Санжар Қадырбеков үшінші жүлделі орынды иеленіп, лауреат атанды. Оқытушысы – Кәрібаев Б.Е.

2021 жылдың 2-4 қараша аралығында Қарағанды қаласында Тәттімбет Қазанғапұлы атындағы VIII Республикалық халық аспаптарында күй орындаушылар байқауы өтті.  
Аталмыш байқауда «Қыл-қобыз» номинациясы бойынша консерваториямыздың 3-курс студенті Әсел Қыдырмұрат 2-орынды еншілеп, лауреат атағына ие болды. Ұстазы: аға оқытушы Айгерім Қарсақбаева. Ал «Қобыз-прима» номинациясы бойынша профессор Меруерт Каленбаеваның шәкірті, 4-курс студенті Айғаным Ихсанова мен аға оқытушы Балжан Жүнісованың шәкірті,  3-курс студенті Нұрайсұлу Талғатова 3-орын лауреаттары атанды. Жеңімпаз студенттерімізді жеңістерімен құттықтап, шығармашылық табыстар тілейміз!

Жуырда Қазақстан Республикасы Мәдениет және спорт министрлігі мен Қазақ Ұлттық өнер университетінің қолдауымен өткен  «Шабыт» шығармашыл жастардың XXIV халықаралық байқауынан консерваториямыздың студенттері қанжығаларын майлап қайтты.

Қазақстан Республикасы Тәуелсіздігінің 30 жылдығы мен Желтоқсан көтерілісінің 35 жылдығына орай студенттер және түлектермен жұмыс жасау бөлімі және «Арт-менеджмент» мамандығының 1 курс студенттерінің ұйымдастыруымен «Мұзға жанған алаулар...» атты кураторлық сағаты өтті. Кураторлық сағатқа желтоқсан көтерілісінің қатысушылары – Отарбай Қабдырахман Әдембайұлы, Иманқұлов Сәкен Жасұзақұлы мен Шұғыл-Шумақ Бауыржан мырза қатысып, сол бір желтоқсан көтерілісінде басынан өткен оқиғаларын баян етті. Кураторлық сағатта студенттер желтоқсаншыларға көкейкесті сұрақтарын қойып, желтоқсаншылардан әсерге толы жауаптарын алды.
Кураторлық сағат соңында тәрбие және әлеуметтік жұмыс жөніндегі проректордың міндетін атқарушы Ешмуханов Мұханбет Ашхатұлы келген егемендік жолында күрескен қайсар аға-апаларымыздың жастарға үлгі екенін айтып, қонақтарымызға алғысын білдірді.

2021 жылы 3 қарашада Алматыдағы Нұрсұлтан Назарбаев Қорының Өкілдігінде ЮНЕСКО жанындағы Халықаралық дәстүрлі музыка кеңесінің (ICTM) тарихи дереккөздерді зерттеу жөніндегі тарихи ресурстарды зерттеу тобының XXIII халықаралық симпозиумының ашылу салтанаты мен пленарлық отырыстары өтті.

«Тарихи ресурстар» зерттеу тобының XXIII Халықаралық симпозиумы өтпек

Жақында Құрманғазы атындағы Қазақ ұлттық консерваториясында «Сыбайлас жемқорлыққа қарсымыз!» атты кураторлық сағат өтті. Іс-шара ZOOM платформасында онлайн режимде өткізілген болатын.

2021 жылдың 26 қазанында «Арт-менеджмент» кафедрасының ұйымдастыруымен «Менің мамандығым» жобасының аясында  Құрманғазы атындығы Қазақ ұлттық консерваториясы «Халық музыкасы» факультетінің  деканы, PHD, «HASSAK» этно-фольклорлық ансамблінің жетекшісі Жәмеңкеев  Ержан Ерболатұлының студенттермен кездесуі өтті .