24 шілде күні Құрманғазы атындағы Қазақ ұлттық консерваториясында жаңадан тағайындалған проректорлар ресми түрде таныстырылды

24 шілде күні Құрманғазы атындағы Қазақ ұлттық консерваториясында жаңадан тағайындалған проректорлар ресми түрде таныстырылды.

Қазақстан Республикасы Мәдениет және ақпарат министрі Аида Ғалымқызы Балаеваның бұйрығымен келесі тұлғалар лауазымдарға тағайындалды:

* Жанболат Асетович Кошербаев — академиялық мәселелер жөніндегі проректор. Білім сапасы мен оқу-әдістемелік жұмысқа басымдық беретін тәжірибелі маман.
* Айзада Сайфоллақызы Нүсіпова — ғылыми-инновациялық қызмет, шығармашылық даму және халықаралық ынтымақтастық жөніндегі проректор, өнертану кандидаты, профессор.

Ректор Гаухар Қошқарбекқызы Тасбергенова әріптестерін жаңа қызметтерімен құттықтап, консерваторияның стратегиялық міндеттерін жүзеге асыруда командалық жұмыстың маңыздылығын атап өтті. Алда — биік мақсаттар, және оларды орындау үшін ортақ жауапкершілік, белсенділік пен ашық диалог қажет.

Жаңа проректорларға кәсіби музыкалық білім беруді дамы туда сәттіліктер мен сенімді қадамдар жасауға күш-қуат тілейміз.