Консерватория жаңалықтары

Қазақстан Республикасы Әділет министрлігінің
«Ұлттық зияткерлік меншік институты» РМК
2022 жылғы 12 сәуірде сағат 15.00-де ZOOM платформасында
Вебинар тақырыбы: «Зияткерлік меншік объектілерін қорғау»

2022 жылдың 25-29 наурыз аралығында Татарстанның Қазан қаласында өткен «DIVERTIMENTO» ішекті-ысқышты аспаптарда және арфада орындаушылардың II Халықаралық байқауында кәсіби ЖОО-ның ансамбльдері санатында «Ішекті-ысқышты аспаптар ансамблі» аталымы бойынша Құрманғазы атындағы Қазақ ұлттық консерваториясының виолончельшілер ансамблі жүлделі I-орынға ие болды. Ансамбль жетекшісі Емреева Ақмарал Ерұланқызы ұстаздық шеберлігі, жоғары кәсібилігі және мәдениет пен өнердің дамуына қосқан елеулі үлесі үшін қазылар алқасының Алғыс хатымен марапатталды.
Халықаралық додада жоғары деңгейде өнер көрсеткен өнерпаздарымыз бен олардың жетекшілерін айтулы жетістіктерімен құттықтап, шығармашылық табыстар тілейміз.

4-5 сәуір аралығында ҚР Білім және ғылым министрлігі «Құрманғазы атындағы Қазақ ұлттық консерваториясы» РММ-де Қазақстан Республикасының жоғары оқу орындары студенттері арасындағы ХІV Республикалық пәндік Олимпиада аясында «6B02102-Аспаптық орындаушылық» бағыты бойынша өткен сайыс өз мәресіне жетті. Аталған бағытқа кіретін Ішекті аспаптар аталымы бойынша өткен бәсекеге 2 ЖОО-дан 22 үміткер қатысты. Олардың ішінде 8 студент ел астанасындағы Қазақ ұлттық өнер университетінен келсе, 14 студент Алматы қаласындағы Құрманғазы атындағы Қазақ ұлттық консерваториясынан суырылып шықты.

Өзбекстанның Ферғана қаласында «Навруз тароналари» деген атпен ІІ Халықаралық ұлттық аспаптық орындаушылық байқауы өтті. Сайысқа барлығы 220 өтініш түскен екен. Соның ішінде 32 өтініш Беларусь Республикасы, Ресей Федерациясы, Қазақстан Республикасы және Тәжікстан Республикасынан жолданған. Бұл бәсекеде студенттер ерекше озық өнер көрсетті. Сайысқа қатысушылардың өнерлерін білікті қазылар алқасы бейтарап түрде, әділ таразылады. Нәтижесінде 67 жеңімпаз анықталды.

«Арт-менеджмент» мамандығы  бойынша 4-5  сәуір аралығында өткен ХІV Республикалық пәндік олимпиадасының қорытынды нәтижелері шықты.

Сіздердің назарларыңызға «Ғылыми-ақпараттық кітапхана қызметіндегі профессор Б.И. Қарақұловтың еңбектері» атты виртуалды кітап көрмесін ұсынамыз. Көрме отандық этномузыкатануды дамытуға елеулі үлес қосқан қазақ дәстүрлі музыкасы жөніндегі жетекші мамандардың бірі, белгілі ғалым, өнертану докторы – Болат Ишанбайұлы Қарақұловтың 80 жылдығына арналған.

28 наурыз бен 1 сәуір аралығында Қазақстан Республикасы Мәдениет және спорт министрлігі Мәдениет комитетінің «Т.Қ. Жүргенов атындағы Қазақ ұлттық өнер академиясы» Республикалық мемлекеттік мекемесінде ҚР жоғары оқу орындарының студенттері арасында базалық жоғары оқу орындарындағы ХІV Республикалық пәндік Олимпиада өткен еді.

4 сәуір күні Құрманғазы атындағы Қазақ ұлттық консерваториясында оқу ордасының Ғылыми-шығармашылық және халықаралық ынтымақтастық жұмыстар жөніндегі проректоры Ғ. Бегембетова мен Аспаптық орындаушылық факультетінің деканы Ж. Мүсәпірова Берлиннен келген қонақ, дирижер әрі пианист Маттиас Манази мырзамен кездесу өткізді. Жүздесу барысында белгілі өнер майталманымен алдағы сапары және жұмыс жоспарына қатысты мәселелер талқыланды.

2022 жылғы наурыздың 30-31 күндері Құрманғазы атындағы Қазақ ұлттық консерваториясында екі күнге созылған 6В02116 – «Дәстүрлі музыка өнері» білім беру бағдарламасының «Домбыра» аталымы бойынша ХIV Республикалық студенттік пәндік олимпиадасы өтті.