Консерватория жаңалықтары

Құрманғазы атындағы Қазақ ұлттық консерваториясы «Дирижирлеу» кафедрасының аға оқытушысы, «Музыкалық білім және психология» кафедрасының меңгерушісі, өнертану ғылымдарының магистрі Камила Әбдуәліқызы Есдәулетова мен «Халық әні» кафедрасының оқытушысы, Өнертану ғылымдарының магистрі Қаламқас Махмұтбекқызы Қадырбаева 2023 жылдың 30 қаңтары мен 3 ақпаны күндері аралығында Павлодар облысы, Екібастұз қаласындағы «Естай атындағы балалар музыка мектебі» КМҚК-де «Хор және Вокал» бойынша шеберлік сыныптарын өткізіп қайтты. 

2023 жылдың  03 ақпаны мен 2024 жылдың 03 ақпаны аралығында Құрманғазы атындағы ҚҰК Ғылыми-ақпараттық кітапхана қызметі музыка бойынша ғылыми зерттеулердің ең ірі беделді және сенімді дерекқоры болып табылатын  –  EBSCO -ның  Music Index with Full Text ресурсына лицензиялық қолжетімділік туралы шартқа отырды.

Qazaq Ballet ғылыми-шығармашылық зертханасы Нұрсұлтан Назарбаев Қорымен және Қазақстандық Ұлттық ЮНЕСКО клубтарының Федерациясымен бірлесіп хореографиялық өнер тарихы бойынша «Өнер тәрбиесі» атты ашық дәрістер сериясын шығарады!

2023 жылдың 1 ақпанында консерваторияның Е. Рахмадиев атындағы үлкен концерт залында кураторлық сағат аясында өнер-білім ордасының студенттерімен Алматы қалалық Жастар ресурстық орталықтарымен жұмыс бөлімінің бас маманы Құрман Дидар және АҚТҚ/ЖИТС жаңа психоактивті заттар бойынша кеңесші Мирас Мырзаханмен кездесу өтті.

«Цинандали классикалық музыка фестивалінің» ұйымдастырушылары (Грузия) Қазақстандағы 18-28 жас аралығындағы талантты жас музыканттар арасында Пан-Кавказық жастар оркестріне (PCYO) қатысу үшін тыңдау байқауын жариялап отыр. Тыңдау байқауы 2023 жылдың 27 ақпанында Құрманғазы атындағы Қазақ ұлттық консерваториясының Ф. Шопен атындағы камералық залында өтеді.

2023 жылдың 27 қаңтарында Құрманғазы атындағы Қазақ ұлттық консерваториясының Ф. Шопен атындағы камералық залында Мырзағалиев Еркін (скрипка) мен Мәлікайдар Қанаттың (фортепиано) қатысуымен «Камералық музыка концерті» өтті.

2023 жылдың 25 қаңтарында консерваторияның Е. Рахмадиев атындағы үлкен концерт залында «Сақтық – қауіпке бөгет» атты кураторлық сағат өтті. Жиында «Студенттердің жеке бас қауіпсіздігін сақтау ережелері» туралы түсініктеме жұмыстары жүргізілді.

2023 жылдың 25 қаңтарында Құрманғазы атындағы Қазақ ұлттық консерваториясының Ахмет Жұбанов залында студенттер күніне арналған «Жұлдызды көпір» атты концерт өтті.

Сіздерді Scopus, WOS (Web of Science) ДҚ журналдарына мақаланы дайындау және жариялау туралы "Мақалаға қойылатын негізгі талаптар және Scopus-та жариялау ерекшеліктері" атты тақырыпта өтетін тегін онлайн-семинарға шақырамыз.