Консерватория жаңалықтары
Бүгін Құрманғазы атындағы Қазақ ұлттық консерватория Оқу және оқу-әдістемелік жұмыстар жөніндегі проректоры Б. Әбдірахман, Ғылыми-шығармашылық және халықаралық ынтымақтастық жұмыстар жөніндегі проректор Ғ. Бегембетова, Тәрбие және әлеуметтік жұмыстар жөніндегі проректор М. Ешмұханов және «Аспаптық орындаушылық» факультетінің деканы А.С. Бекенова «Art Cello» халықаралық фестивалі аясында консерваторияда кешеден бері шеберлік сыныптарын өткізіп жатқан атақты виолончельшілер – Денис Северин (ШВЕЙЦАРИЯ), Атанас Крастев (БОЛГАРИЯ), Разван Сума (РУМЫНИЯ) сынды фестивальдің сыйлы қонақтарымен жүздесіп, сұхбат құрды.
2023 жылдың 14 ақпанында Құрманғазы атындағы Қазақ ұлттық консерваториясының А. Жұбанов атындағы концерт залында консерватория доценті, ҚР Мәдениет саласының үздігі және білім беру саласының үздігі Торғын Смайылова өзінің шәкірттерімен бірге «Ән қанатында» атты ҚР Халық артисі, профессор Жылысбаев Бекен Бәкенұлының 100 жылдық мерейтойына арналған ән кешін өткізді.
Бүгін, 14 ақпан күні «ArtCello» халықаралық фестивалі аясында Құрманғазы атындағы Қазақ ұлттық консерваториясында фестивальдің сыйлы қонақтары, атақты виолончельшілер – Денис Севериннің (ШВЕЙЦАРИЯ), Атанас Крастевтің (БОЛГАРИЯ), Разван Суманың (РУМЫНИЯ) шеберлік сыныптары өтті.
Бүгін 13 ақпан күні Tynda.music музыкалық жобасының ұйымдастырушылары Құрманғазы атындағы Қазақ ұлттық консерваториясында қонақта болды. Музыкалық жоба өкілдерін консерватория қабырғасында Оқу және оқу-әдістемелік жұмыстар жөніндегі проректор Гүлнар Бақытқызы Әбдірахман қабылдады. Кездесуге «Аспаптық орындаушылық» факультеті мен «Музыкатану, арт-менеджмент, әлеуметтік және гуманитарлық пәндер» факультетінің студенттері мен қос факультет декандары Г.Ж. Мұсағұлова мен А.С. Бекенова келді.
2023 жылдың 10 ақпанында Құрманғазы атындағы Қазақ ұлттық консерваториясының А. Жұбанов атындағы кіші залында үрмелі және ұрмалы аспаптар кафедрасының доценті М.Қ. Бисенғалиев сыныбы студенттерінің концерті өтті.
2023 жылдың 10 ақпанында Құрманғазы атындағы Қазақ ұлттық консерваториясының Ф. Шопен атындағы камералық залында Қазақстанның Халық артисі, профессор Бекен Жылысбаевтың 100 жылдығына арналған «Шырқа, Алматы» вокалды музыка концерті өтті.
2022 жылдың 10 ақпанында Құрманғазы атындағы Қазақ ұлттық консерваториясының Ф.Шопен атындағы Камералық залында әлеуметтік-гуманитарлық пәндер кафедрасының профессоры, философия ғылымдарының докторы Наурызбаева Альмира Бекетқызының 70 жылдық мерейтойы аталып өтті.
2023 жылғы ақпанның 6 күні Құрманғазы атындағы Қазақ ұлттық консерваториясының Кіші залында дәстүрлі түрде Қазақстандағы альт мектебінің негізін қалаушы профессор, «Құрмет» орденінің иегері Яков Иосифович Фудиманның туған күніне орайластырылған, Қымбатты Ұстазға арналған жыл сайынғы «Альтшы күні» атты кезекті концерт болып өтті. Бұл концерттің идеялық бастамашысы, ұйымдастырушысы және жүргізушісі «Ішекті аспаптар» кафедрасының доценті Н.Е. Сағымбаев болды.