Консерватория жаңалықтары

Үстіміздегі жылғы мамырдың 17-22-сі күндері аралығында Америкада (АҚШ) халықаралық Accordion Star International 2022 байқауы өткен болатын. Аталған бәсекеге Ғалымжан Нарымбетов бастаған септет Астор Пьяццолла аталымы бойынша 1 орынды жеңіп алды.

31 мамыр күні Құрманғазы атындағы Қазақ ұлттық консерваториясының ректоры Арман Әділханұлы Жүдебаев ҚР мәдениетін, өнерін, рухани әлеуетін дамытуға қосқан елеулі үлесі мен сіңірген зор еңбектері үшін өнер-білім ордасының профессор-оқытушылық құрамына Қазақстан Республикасы Мәдениет және спорт министрлігінің марапаттарын табыс етті.

30 мамырда консерваторияда Алматы қаласы, Алмалы ауданы бойынша А.Байтұрсынұлының 150 жылдығына орай Тілдерді оқыту орталықтары мен ЖОО-ғы практикалық қазақ тілі оқытушыларының арасында ересектерге қазақ тілін оқыту аудандық байқауы өтті.

Жақында Құрманғазы атындағы Қазақ ұлттық консерваториясы «Арт-менеджмент» кафедрасының аға-оқытушысы, PhD докторы Айгерім Маратқызы Оспанова ғылым мен білім саласының дамуына қосқан үлесі үшін «ТМД-ның үздік жас ғалымы-2022» төсбелгісімен марапатталды.

Бүгін Алматыда Қазақстан Республикасы Мәдениет және спорт министрлігінің ұйымдастыруымен Қазақстан шығармашылық зиялы қауымының бірінші конгресі өз жұмысын бастады. Екі күнге жоспарланған шараға еліміздің барлық өңірлерінен зиялы қауым өкілдері қатысуда. Алқалы жиын бағдарламасы бойынша Алматы қаласындағы Мәдениет және спорт министрлігіне бағынысты концерттік ұйымдар, театрлар, мұражайлар мен шығармашылық оқу орындарында әртүрлі тақырыптағы семинарлар мен кездесулер, көрме, қойылымдар мен концерттер белгіленген.

Бүгін Құрманғазы атындағы Қазақ ұлттық консерваториясының А.Жұбанов атындағы Кіші залында «Қобыз және баян» кафедрасының 2-курс студенттерінен құралған «Меруерт» прима қобызшылар ансамблінің «Меруерт-маржан әуендер» атты шығармашылық концерті өтті. Ансамбль жетекшісі – ұстаз, өнертану ғылымдарының магистрі Әсел Рақымжан.

25 мамыр күні Құрманғазы атындағы Қазақ ұлттық консерваториясының Е.Рахмадиев атындағы Үлкен концерт залында «Ән шырқаймын жүректен» атты «Вокалдық өнер» мамандығының бітіруші түлектерінің есеп беру концерті өтті.

Бүгін Құрманғазы атындағы Қазақ ұлттық консерваториясының А.Жұбанов атындағы Кіші залында «Қобыз және баян» кафедрасының 2-курс студенттерінен құралған «Меруерт» прима қобызшылар ансамблінің «Меруерт-маржан әуендер» атты шығармашылық концерті өтті. Ансамбль жетекшісі – ұстаз, өнертану ғылымдарының магистрі Әсел Рақымжан.

Бүгін ҚР Ұлттық кітапханасында онлайн және офлайн форматта дәулескер домбырашы, қазақтың күйшілік-домбырашылық  дәстүрін ғылыми негізде әлемге әйгілеуші ғалым Базаралы Мүптекеевтің «Жетісудың оңтүстік-шығысындағы күйшілік дәстүр» атты монографиясының, «Күй шақыртқы» деп аталатын күйлер жинағы мен CD күйтабағының тұсаукесер салтанаты өтті. Консерваторияның фольклорлық ғылыми зерттеу зертханасы қорындағы Базаралы Мүптекеевтің орындауындағы 25 күй ноталық күй жинақ әрі күйтабақ болып шығып отыр. Жобаны Құрманғазы атындағы Қазақ ұлттық консерваториясының Фольклорлық ғылыми-зерттеу лабораториясы ұйымдастырды. Салтанатты жиынның модераторы – танымал ғалым, өнер зерттеушісі, ұстаз Сағатбек Медеубекұлы болды.