Консерватория жаңалықтары

18 мамыр күні консерваториямыздың А.Жұбанов атындағы кіші концерт залында 2021-2022 оқу жылындағы 1-курс студенттеріне арналған «Жаңа Қазақстан, жастар және өнер» атты кураторлық сағат өтті.
Кураторлық сағатты Тәрбие және әлеуметтік жұмыс жөніндегі проректор Ешмұханов Мұхамбет Ашхатұлы жүргізді.

Бүгін дәстүрлі өнердің қарашаңырағында «Халық музыкасы» факультетіне қарасты «Халық әні» кафедрасы Бесқала жыраулық дәстүрінің көрнекті өкілі Наурызбек Нұржаубайұлының 90 жылдығына арналған «Жыршылықтың мәнісі» атты ән-жыр кешін өткізді.
Аталмыш шара Ф.Шопен атындағы камералық залда өтті. Концерт барысында Қазақстанның еңбек сіңірген қайраткерлері: Сәуле Жанпейісова мен Айгүл Қосанова, ҚР Мәдениет саласының үздіктері: Армат Исламғалиев, Эльза Қарабалина және Жанаргүл Сәркенова, Республикалық байқаулардың лауреаттары: Күнқожа Қайрулла мен Венера Қаржаубаева жан тебірентер термелердің мақамын бұзбай, нақышына келтіре орындады. Кешті «Халық әні» кафедрасының оқытушысы, гуманитарлық ғылымдар магистрі, Наурызбек жыраудың жиені Күнқожа Қайрулла жүргізді.

17 мамыр күні Е.Рахмадиев атындағы үлкен концерт залында 5 маусымда өтетін жалпыхалықтық референдумға байланысты 2021-2022 оқу жылындағы 2, 3, 4-курс студенттеріне арналған «Жаңғыру жолындағы батыл қадам» атты кураторлық сағат өтті. Тәрбие және әлеуметтік жұмыс жөніндегі проректор Ешмұханов Мұхамбет Ашхатұлы мен ректор аппараты қызметінің басшысы Скаков Ермек Жанатайұлы және заң секторының қызметкері Кенженова Ақерке Борашқызы студенттер алдында саяси науқанға қатысты баяндама жасап, түсіндіру жұмыстарын жүргізіп, білім алушылардың барлық сұрақтарына жауап берді.

Құрманғазы атындағы Қазақ ұлттық консерваториясының Ғылыми-ақпараттық кітапхана қызметі КСРО Халық артисі, Қазақ ССР-нің еңбек сіңірген артисі, опера әншісі, драма актері Күләш Байсейітованың 110 жылдығына арналған «КҮЛӘШ БАЙСЕЙІТОВА - ҚАЗАҚТЫҢ БҰЛБҰЛЫ» атты виртуалды кітап көрмесін дайындады.

ҚР МСМ «Құрманғазы атындағы Қазақ ұлттық консерваториясы» РММ профессорлық-оқытушылар құрамы мен ғылыми қызметкерлердің бос лауазымдарына байқау жариялайды:

Бүгін Құрманғазы атындағы Қазақ ұлттық консерваториясының А.Жұбанов атындағы Кіші залында солист, халықаралық байқаулардың лауреаты Бемм Артурдың саксофон кеші өтті.

Аталмыш шара барысында «Үрмелі және ұрмалы аспаптар» кафедрасының аға-оқытушысы, халықаралық байқаулардың лауреаты Андрей Валерьевич Сафонов (саксофон баритон), 1-курс студенті, халықаралық байқаулардың лауреаты Ғазиз Мәліков (саксофон альт, сопрано) және саксофон сыныбының 1-курс студенті Қазына Ақынтай (саксофон альт) өнерлерін ортаға салды. Концертмейстер, халықаралық байқаулардың лауреаты – Елена Скрипченко.

Концертте шетелдік танымал композиторлардың шығармалары орындалды. Жалпы саксофон кеші жиналған көпшілікке керемет әсер сыйлап, өнерпаздар көрерменнің жылы лебізі мен қошеметіне бөленді.

Құрманғазы атындағы Қазақ ұлттық консерваториясының оқытушылары Қазақстан Республикасының музыкалық колледждері мен мектептерінде білім алушы балалармен кәсіби бағдарлау жұмыстарын жүргізді:

Бүгін Құрманғазы атындағы Қазақ ұлттық консерваториясының А.Жұбанов атындағы Кіші залында альт музыкасының концерті өтті.

Бүгін консерваторияның мәжіліс залында үстіміздегі жылдың 5 маусымында өткелі жатқан жалпыхалықтық референдумға байланысты ақпараттандыру әрі түсіндіру мақсатында дөңгелек үстел өтті.
Әлеуметтік-гуманитарлық пәндер кафедрасының меңгерушісі, профессор Қайырбекова Әлима Ғафуқызы мен гуманитарлық ғылымдар магистрі, аға оқытушы Мәтжанова Қарлығаш Көкенайқызы дөңгелек үстелге жиналған консерватория ұстаздары мен қызметкерлері алдында саяси науқанға қатысты баяндама жасап, түсіндіру жұмыстарын жүргізді. Сондай-ақ көпшілік сұрақтарына жауап берді.
Үштен бірі өзгеріске түскелі отырған жаңа конституциямызда Суперпрезиденттік басқару формасынан парламенті күшті президенттік республика статусына өтпекпіз. Яғни, мемлекет билігі халықтың қолына көшіп, ел үшін өзекті мәселелердің барлығын тек халықпен бірлесе отырып, шешу мүмкіндігі тумақ. Тағы бір үлкен өзгеріс, бүкіл қазба байлықтар мен табиғи ресурстардың иесі халық болып есептелетін болады.
Ендеше бірлігімізді көрсетіп, ел болашағы үшін маңызды науқанға ұйымшылдықпен атсалысайық!