Консерватория жаңалықтары

13 мамыр күні Құрманғазы атындағы Қазақ ұлттық консерваториясының Е.Рахмадиев атындағы Үлкен концерт залында ҚР еңбек сіңірген қайраткері, «Домбыра» кафедрасының профессоры Ерсайын Бақытұлы Басықараның асқаралы 60 жасқа келуіне, ұзтаздық қызметіне 35 жыл, ал шығармашылығына 40 жыл толуына орай «Өмір-өнер белестері» атты жеке концерті өтті.

12 мамыр күні консерваторияның Шопен атындағы камералық залында Халықаралық байқаулардың лауреаты, Тұңғыш Президент қорының және Е.Серкебаев атындағы қордың стипендия иегері, ұстаз Гүлнар Нұрғалиеваның класында тәлім алған консерватория түлегі Мәдина Әбілдинаның жеке концерті өтті.

Жақында Құрманғазы атындағы Қазақ ұлттық консерваториясы шаңырағында білім алып жатқан студенттер 9 мамыр Жеңіс күніне орай өткізілген «Спорт – денсаулық кепілі» атты футболдан оныншы қалааралық жарысқа қатысты.

2022 жылдың 11 мамырында Құрманғазы атындағы Қазақ ұлттық консерваториясының А.Жұбанов атындағы кіші залында «Домбыра» кафедрасының аға оқытушысы, Мәдениет саласының үздігі Жақыпбек Нұргүл Бижанқызы жетекшілік ететін, республикалық және халықаралық сайыстардың жүлдегері  «Кәусар» жетігеншілер ансамблінің «Сезім гүлі» атты лирикалық концерті өтті.

Құрманғазы атындағы Қазақ ұлттық консерваториясының «Үрмелі және ұрмалы аспаптар» мамандығында білім алып жатқан студенттер Күләш Байсейітованың 110 жылдығына арналған және «World talents» көп жанрлық халықаралық байқауларында бақ сынап, Гран-при жүлдегерлері атанды.

Президентіміз Қасым-Жомарт Кемелұлы Тоқаев  2022 жылғы 5 маусымда республикалық референдум өткiзу туралы жарлыққа қол қойды.
Мемлекет басшысы осы шешімімен елімізді саяси модернизациялауға түбегейлі кіріскенін көрсетіп, өзі айтқандай «Жаңа Қазақстан – Әділетті Қазақстан» құру жолындағы ең үлкен қадамды жасауды ұсынып отыр. Халық қалауы бірінші орында тұратын «Еститін мемлекет» тұжырымдамасы өз нәтижесін беріп, конституциямыздың үштен бір бөлігіне оң өзгерістер енгізілмек. Ендігі міндет – әрбір  елім деген азамат өз ісінде жауапкершілік пен адалдықты ту етіп, «Әділетті Қазақстанды» құруға аянбай атсалысуы қажет. Ел болашағы жарқын болсын!

Құрманғазы атындағы ҚҰК «Фортепиано» мамандығының 2-курс студенті Рашид Рахимов (оқытушысы ҚР Халық артисі, профессор Қадырбекова Гүлжәмиля Ихсанқызы) 2022 жылдың 5-10 мамыр аралығында Мәскеу қаласында онлайн форматта өткен «Art Talents» II Халықаралық байқауында I дәрежелі лауреат атағын иеленіп, жеңімпаз атанды.

2022 жылдың 6 мамырында Құрманғазы атындағы Қазақ ұлттық консерваториясының Шопен атындағы камералық залында профессор Авхий Хавлаш класында тәлім алатын 4-курс студенті Нұрбол Артықбаевтың жеке орындауында концертмейстерлер Саяра Сетекова мен Ғимарат Ерназардың және виолончель аспабында орындаушы Нұржан Жүсіптің қатысуымен қазақ кәсіби музыкасының дамуына теңдессіз үлес қосқан тұлғалар – Ахмет Жұбанов және Ғазиза Жұбановаға арналған вокалдық музыка кеші өтті.

2022 жылдың 6 мамырында Құрманғазы атындағы Қазақ ұлттық консерваториясының 2002 жылы бітірген түлектері өздерін қанаттандырған білім ордасында бас қосты. Түлектер атынан сүйікті білім ордасына олар өзіндік сый-сияпаттарын да ала келіпті. Нақтылап айтсақ, консерваторияның «Б» корпусының кіреберісіндегі оң жақ қабырғаға, кім-кімнің де осы оқу ордасында өнер нәріне сусындар сәтін санап, ескертіп тұрар уақыт белгісіндей, үлкен қабырға сағат орнатылды.