ҚАЗАҚСТАН РЕСПУБЛИКАСЫ КОНСТИТУЦИЯСЫНА – 30 ЖЫЛ: ЖЕТІСТІКТЕР МЕН БОЛАШАҚ
29 тамыз 2025
Құрманғазы атындағы Қазақ ұлттық консерваториясының қабырғасында Қазақстан Республикасы Конституциясының 30 жылдық мерейтойына арналған дөңгелек үстел өтті. Іс-шара танымдық әрі рухани атмосферада өтіп, оқытушыларды, докторанттар мен студенттерді біріктірді. Жиынға тәрбие ісі жөніндегі проректор Кулданов Н.Т. және әлеуметтік-гуманитарлық пәндер кафедрасының оқытушылары қатысты.
Алғы сөзді әлеуметтік-гуманитарлық пәндер кафедрасының меңгерушісі Калдаева Бану Станбековна алып, қатысушыларды Ата Заң мерекесімен құттықтап, оның ел тәуелсіздігі мен өркендеуі үшін маңызын атап өтті.
Қазақстан Республикасы Конституциясының тарихы жөнінде әлеуметтік-гуманитарлық пәндер кафедрасының оқытушысы, әл-Фараби атындағы ҚазҰУ-дың докторанты Қаниятов Жәнібек Төлешұлы баяндама жасады. Ол Конституцияның 30 жылдығына арналған ресми логотиптің философиясы мен символикасына тоқталып, 500 теңгелік естелік пошта маркасының шығарылғаны туралы айтты.
Жиынға ұлттық нақыш берген Құрманғазы атындағы консерватория домбырашыларының орындауы ерекше музыкалық әр берді.
Әл-Фараби атындағы ҚазҰУ-дың докторанты Абу Әділет Нұрланұлы 1995 жылғы бүкілхалықтық референдумда қабылданған Конституцияның басты қағидаты – адам, оның құқықтары мен бостандықтары екенін атап өтті. Сондай-ақ ол билік иерархиясы, демократиялық мемлекет қағидаттары және мемлекет пен азамат арасындағы өзара қарым-қатынас мәселелерін талдады.
Іс-шара барысында Конституцияға енгізілген өзгерістер мен қазақстандық конституциялық құқықтың дамуына академик Салық Зиманович Зимановтың қосқан үлесіне арналған презентация көрсетілді.
Әл-Фараби атындағы ҚазҰУ-дың докторанты Чермухамбетов Ерлан Нурмухамбетұлы «Алаш» партиясының бағдарламалық құжаты болып табылатын алғашқы Конституция туралы, сондай-ақ оның жобасын жасаған Барлыбек Сырттановтың еңбегі жайлы баяндады. Ол бұл құжаттың ұлттық мемлекеттік сананың қалыптасуы мен еркіндік жолындағы маңызды қадам болғанын атап өтті.
Әлеуметтік-гуманитарлық пәндер кафедрасының профессоры Наурзбаева Альмира Бекетовна 1993 жылғы Конституцияның легитимдігі мен легитимсіздігіне қатысты мәселелерді қозғап, оның тәуелсіз Қазақстанның қалыптасуындағы өтпелі кезең үшін маңыздылығын айтты.
Дөңгелек үстелдің жарқын қорытындысы ретінде «Вокалдық өнер» кафедрасының студенті «Атамекен» әнін орындады.
Қорытынды сөзінде спикер Қаниятов Жәнібек барлық қатысушыларға мазмұнды баяндамалары, қызықты сұрақтары және белсенді талқылауға қосқан үлестері үшін алғысын білдірді.
Дөңгелек үстел тағы да дәлелдеді: Конституция – жай ғана құқықтық құжат емес, ол – Қазақстанның тәуелсіздігі, демократиясы мен өркендеуінің символы. Мерейтойлық дата елдің жүріп өткен жолын саралап, болашақты ой елегінен өткізуге мүмкіндік берді.
Альбомдарға оралу
Алғы сөзді әлеуметтік-гуманитарлық пәндер кафедрасының меңгерушісі Калдаева Бану Станбековна алып, қатысушыларды Ата Заң мерекесімен құттықтап, оның ел тәуелсіздігі мен өркендеуі үшін маңызын атап өтті.
Қазақстан Республикасы Конституциясының тарихы жөнінде әлеуметтік-гуманитарлық пәндер кафедрасының оқытушысы, әл-Фараби атындағы ҚазҰУ-дың докторанты Қаниятов Жәнібек Төлешұлы баяндама жасады. Ол Конституцияның 30 жылдығына арналған ресми логотиптің философиясы мен символикасына тоқталып, 500 теңгелік естелік пошта маркасының шығарылғаны туралы айтты.
Жиынға ұлттық нақыш берген Құрманғазы атындағы консерватория домбырашыларының орындауы ерекше музыкалық әр берді.
Әл-Фараби атындағы ҚазҰУ-дың докторанты Абу Әділет Нұрланұлы 1995 жылғы бүкілхалықтық референдумда қабылданған Конституцияның басты қағидаты – адам, оның құқықтары мен бостандықтары екенін атап өтті. Сондай-ақ ол билік иерархиясы, демократиялық мемлекет қағидаттары және мемлекет пен азамат арасындағы өзара қарым-қатынас мәселелерін талдады.
Іс-шара барысында Конституцияға енгізілген өзгерістер мен қазақстандық конституциялық құқықтың дамуына академик Салық Зиманович Зимановтың қосқан үлесіне арналған презентация көрсетілді.
Әл-Фараби атындағы ҚазҰУ-дың докторанты Чермухамбетов Ерлан Нурмухамбетұлы «Алаш» партиясының бағдарламалық құжаты болып табылатын алғашқы Конституция туралы, сондай-ақ оның жобасын жасаған Барлыбек Сырттановтың еңбегі жайлы баяндады. Ол бұл құжаттың ұлттық мемлекеттік сананың қалыптасуы мен еркіндік жолындағы маңызды қадам болғанын атап өтті.
Әлеуметтік-гуманитарлық пәндер кафедрасының профессоры Наурзбаева Альмира Бекетовна 1993 жылғы Конституцияның легитимдігі мен легитимсіздігіне қатысты мәселелерді қозғап, оның тәуелсіз Қазақстанның қалыптасуындағы өтпелі кезең үшін маңыздылығын айтты.
Дөңгелек үстелдің жарқын қорытындысы ретінде «Вокалдық өнер» кафедрасының студенті «Атамекен» әнін орындады.
Қорытынды сөзінде спикер Қаниятов Жәнібек барлық қатысушыларға мазмұнды баяндамалары, қызықты сұрақтары және белсенді талқылауға қосқан үлестері үшін алғысын білдірді.
Дөңгелек үстел тағы да дәлелдеді: Конституция – жай ғана құқықтық құжат емес, ол – Қазақстанның тәуелсіздігі, демократиясы мен өркендеуінің символы. Мерейтойлық дата елдің жүріп өткен жолын саралап, болашақты ой елегінен өткізуге мүмкіндік берді.
Қабылдау 2025