«Отбасылық дәстүрлер: тарихты сақтау, болашақты құру»

8 қыркүйек күні Алматы қаласында Құрманғазы атындағы Қазақ ұлттық консерваториясында «Отбасылық дәстүрлер: тарихты сақтау, болашақты құру» атты дөңгелек үстел өтті. Іс-шара Отбасы күніне арналған республикалық апталық аясында ұйымдастырылды.

Кездесу барысында қатысушыларға мемлекеттік қолдаудың қолданыстағы шаралары, көмек көрсету бағдарламалары, сондай-ақ Консерватория ұсынатын мүмкіндіктер туралы ақпарат берілді. Әсіресе инклюзивті білім беру, шығармашылық жобаларға қатысу және кәсіби даярлық мәселелеріне ерекше көңіл бөлінді.

Консерватория басшылығы әлеуметтік осал топтарды мәдени және білім беру бастамаларына тартуға дайын екенін атап өтті. Іс-шара жылы әрі ашық атмосферада өтіп, қатысушылар алғыстарын білдірді.