Құрманғазы атындағы Қазақ ұлттық консерваториясының докторанттары Будапештегі ғылыми-зерттеу тағылымасынан өтті

Курманғазы атындағы Қазақ ұлттық консерваториясының докторанттары Будапештегі Ференц Лист атындағы белгілі Музыкалық академияда ғылыми-зерттеу тағылымасынан өтті.

5-27 қазан аралығында Азамат Иманбаев, Динара Тоқмурзиева («Орындаушылық өнер» білім беру бағдарламасы) және Ярослава Кременцова («Музыкатану» білім беру бағдарламасы) академияның профессоры және PhD докторы Ласло Стахоның жетекшілігімен венгр  музыкалық мұрасымен танысып,  заманауи зерттеулер атмосферасына енді.

Докторанттарымыз үшін шет елде тағылымдамадан өту көптеген мүмкіндіктер беретіні сөзсіз. Зерттеу жұмыстарынан бөлек, көптеген концерттер, көрмелер мен мұражайларды аралап, венгр мәдениеті мен еуропалық музыкалық өнерімен танысуға болады.