Консерватория жаңалықтары
2023 жылдың 4 қазаны мен 25 қарашасы аралығында кітапханада студенттердің, яғни кешегі талапкерлердің жаңа өмірге бейімделуіне көмектесетін дәстүрлі «Бірінші курс онкүндігі» өтті.
2023 жылдың 24 қарашасында консерваторияда «ХХІ ғасырдың музыкалық мәдениетіндегі Тұлға – Жанр – Дәстүр» атты Құрманғазы шығармашылығына арналған Халықаралық ғылыми-практикалық конференция өтті.
2023 жылдың 22 қарашасында консерваторияның Е.Рахмадиев атындағы Үлкен концерт залында профессор Ева Коганның туылғанына 95 жыл толуына орай Итака Фортепиано Университетінің (Нью-Йорк) профессоры, Йель Университетінің фортепианолық орындаушылық өнерінің шебері, доктор, магистр, Құрманғазы атындағы Қазақ ұлттық консерваторясының 2023-2024 оқу жылдарындағы күзгі семестрге шақыртылған профессоры Дмитрий Новгородскийдың (Фортепиано, АҚШ) концерті болып өтті.
2023 жылдың 22 қарашасында Құрманғазы атындағы Қазақ ұлттық консерваториясының оқу залында Қазақстандық белгілі ақын, кинорежиссер, сценарист, либреттист, Қазақстанның еңбек сіңірген қайраткері Бақыт Қайырбековпен «Күзгі диалог» тақырыбында шығармашылық кездесу өтті.
2023 жылдың 20 қарашасында консерваторияның Ғ.Жұбанова атындағы Камералық залында жыр дүлділі Мұрат Мөңкеұлының туғанына 180 жыл толуына арналған «Үш қиян» атты Қазақстанның еңбек сіңірген қайраткері, филология ғылымдарының кандидаты, «Халық әні» кафедрасының доценті Сәуле Жанпейісованың сыныптық концерті өтті.
Құрманғазы атындағы Қазақ ұлттық консерваториясында төрт күнге созылған VI Халықаралық камералық музыка фестивалі өз мәресіне жетті. 14-17 қараша аралығында Е.Рахмадиев атындағы Үлкен концерт залының сахнасында Барокко дәуірінен қазіргі заманға дейінгі түрлі стильдегі және жанрдағы әлемдік камералық музыканың жауһарлары орындалды.