Консерватория жаңалықтары

«Арт-менеджмент» мамандығының 2-курс студенті Кимран Раушан Ресейдің «Новая наука» халықаралық ғылыми серіктестік орталығының ұйымдастыруымен өткен «Жоғары мектептің ғылыми жетістіктері 2023» ғылыми-зерттеу байқауында «Өнертану» номинациясы бойынша I дәрежелі дипломға ие болды.

Бүгін Құрманғазы атындағы Қазақ ұлттық консерваториясының мәжіліс залында өнер-білім ордасында білім алып жатқан белгілі санатқа жататын студенттермен кездесу өтті. Қазақстан Республикасындағы мүмкіндігі шектеулі жандардың өмір сүру сапасын қамтамасыз ету және жақсарту жөніндегі ұлттық жоспарға сәйкес өткізілген жиында консерваторияның Тәрбие және әлеуметтік жұмыстар жөніндегі проректоры Ешмұханов Мұхамбет Ашхатұлы ерекше қызмет алу қажеттіліктері бар студенттермен кездесіп, олардың арзу-тілектерін тыңдап, заң аясында қарастырылған жеңілдіктер және консерватория тарапынан жасалып отырған мүмкіндіктер туралы түсіндірме жұмыстарын жүргізді. Кездесу барысында аталмыш көмекке мұқтаж студенттер өз ойларын ортаға салып, жасалып жатқан қамқорлықтары үшін консерватория басшылығына ризашылықтарын білдірді.

2023 жылдың 16 ақпанында Құрманғазы атындағы Қазақ ұлттық консерваториясында ӘГП кафедрасы, «Қазақ және шетел тілдері» секциясының ұйымдастыруымен, халық жазушысы, қоғам қайраткері Шерхан Мұртазаның 90 жылдық мерейтойына арналған «Сөз өнерінің хас шебері» атты дөңгелек үстел өтті.

Консерваториямыздың 3-курс студенті Нұралы Күнғалиев пен ҚР Еңбек сіңірген қайраткері, Үрмелі және ұрмалы аспаптар кафедрасының профессоры Жанат Рахметоллаұлы Ерманов 2023 жылғы ақпанның 10 мен 13 күндері аралығында Дубай қаласында өткен кларнетшілерге арналған «Yamaha Music Gulf» стипендиялық бағдарламасының финалына қатысып қайтты. Шараның мақсаты – жас талантты орындаушыларды олардың шығармашылық қуатын жүзеге асыруға және олардың кәсіби музыкалық каръерасын одан әрі дамытуға қолдау көрсету арқылы музыкалық мәдениеттің дамуына үлес қостыру.

«Арт-менеджмент» кафедрасының 2-курс студенті Әубәкірова Анель Ресейдің «Новая наука» халықаралық ғылыми серіктестік орталығының ұйымдастыруымен өткен «Қоғам және мемлекет қызметіндегі жас зерттеушілер» халықаралық ғылыми-зерттеу байқауында «Өнертану» номинациясы бойынша I дәрежелі дипломға ие болды. Алғыс хатпен ғылыми жетекшісі – «Арт-менеджмент» кафедрасының оқытушысы, PhD докторы, А. Оспанова марапатталды. Әубәкірова Анельді және ғылыми жетекшісін жеңіспен құттықтаймыз және шығармашылық табыс тілейміз!

2023 жылдың 1 ақпанында консерваторияның Е. Рахмадиев атындағы үлкен концерт залында кураторлық сағат аясында өнер-білім ордасының студенттерімен  Қаржы директоры (CFO) АК Consulting-негізін қалаушысы Кариева Айгерім ханыммен  кездесу өтті.

15 ақпан күні Құрманғазы атындағы Қазақ ұлттық консерваториясының А. Жұбанов атындағы концерт залында «Халық әні» кафедрасының ұстаздары, ҚР Еңбек сіңірген қайраткері Айгүл Қосанова мен халықаралық байқаулардың лауреаты Венера Қаржаубаеваның «Шырқатып әнге салайық» атты класс-концерті өтті.

Бүгін Құрманғазы атындағы Қазақ ұлттық консерватория Оқу және оқу-әдістемелік жұмыстар жөніндегі проректоры Б. Әбдірахман, Ғылыми-шығармашылық және халықаралық ынтымақтастық жұмыстар жөніндегі проректор Ғ. Бегембетова, Тәрбие және әлеуметтік жұмыстар жөніндегі проректор М. Ешмұханов және «Аспаптық орындаушылық» факультетінің деканы А.С. Бекенова «Art Cello» халықаралық фестивалі аясында консерваторияда кешеден бері шеберлік сыныптарын өткізіп жатқан атақты виолончельшілер – Денис Северин (ШВЕЙЦАРИЯ), Атанас Крастев (БОЛГАРИЯ), Разван Сума (РУМЫНИЯ) сынды фестивальдің сыйлы қонақтарымен жүздесіп, сұхбат құрды.

2023 жылдың 14 ақпанында Құрманғазы атындағы Қазақ ұлттық консерваториясының А. Жұбанов атындағы концерт залында консерватория доценті, ҚР Мәдениет саласының үздігі және білім беру саласының үздігі Торғын Смайылова өзінің шәкірттерімен бірге  «Ән қанатында» атты ҚР Халық артисі, профессор Жылысбаев Бекен Бәкенұлының 100 жылдық мерейтойына арналған ән кешін өткізді.