Е. Рахмадиев атындағы Үлкен концерт залында жарқын эмоциялармен, жылылықпен және шабытпен есте қалған концерт өтті

2023 жылғы11 желтоқсан күні Е. Рахмадиев атындағы Үлкен концерт залында жарқын эмоциялармен, жылылықпен және шабытпен есте қалған концерт өтті. Сахнада Құрманғазы атындағы Қазақ ұлттық консерваториясының профессоры Игорь Юрьевич Шубиннің сыныбында оқитын студенттер саксофон сазыменен баураған жарқын шығармаларын орындап, өнер көрсетті. 

Әрбір шығарма тыңдаушыларды ұмытылмас музыкалық саяхатқа тартып, кеш атмосферасын тангоға тән құштарлық пен өнер рухына толтырды.

Зал көрерменге лық толы болды. Тыңдаушылар музыканттарды шынайы қошеметпен қарсы алып, олардың шеберліктеріне таңданыстарын жасыра алмады.

Профессор Игорь Юрьевич Шубинге жас музыканттармен жұмыс жасап, саксофон мектебін дамытуға қосқан үлесі үшін ерекше алғысымызды білдіреміз.

Барлық қатысушыларға осы музыкалық мерекенің бөлігі болғаны үшін алғыс айтамыз. Жаңа концерттерімізде көріскенше!