Санкт-Петербург консерваториясына академиялық ұтқырлық

Құрманғазы атындағы Қазақ ұлттық консерваториясының студенті Н. А. Римский-Корсаков атындағы Санкт-Петербург мемлекеттік консерваториясына (Санкт-Петербург, Ресей) оқуға барады.

«Композиция» білім беру бағдарламасының 2-курс студенті Артемий Пестов 2024 жылдың 2 қыркүйек пен 2024 жылдың 29 желтоқсан аралығында республикалық бюджет есебінен академиялық ұтқырлық бағдарламасы бойынша серіктес ЖОО-да 2024–2025 оқу жылының бірінші семестрі ішінде оқитын болады.

Бұл бағдарлама студенттерге шетелдік білім беру мекемесінде олар үшін жаңа мәдениетпен және оқыту жүйесімен танысуға үлкен мүмкіндіктер береді. А. Пестовтың оқу курсы музыка жазу, шетелдік музыка тарихы, полифония, музыкалық шығармаларды талдау, фортепианода ойнауды үйрену және тағы басқа пәндерді қамтып өтеді.

Студентімізге сәттілік тілейміз!