Виртуалды көрме «Бибігүл Төлегенова: қазақ әнінің алтын дауысы» Бибігүл Төлегенованың 95 жылдық мерейтойына арналған
Құрметті оқырман!
Ғылыми-ақпараттық кітапхана қызметі КСРО халық әртісі, Қазақстан және КСРО Мемлекеттік сыйлықтарының лауреаты, Социалистік Еңбек Ері, әйгілі опера әншісі Бибігүл Ахметқызы Төлегенованың 95 жылдық мерейтойына орай «БИБІГҮЛ ТӨЛЕГЕНОВА: ҚАЗАҚ ӘНІНІҢ АЛТЫН ДАУЫСЫ» атты виртуалды кітап көрмесін дайындады.
Бибігүл Төлегенова – Қазақстанның музыкалық сахнасындағы ең жарқын жұлдыздардың бірі. Өзіне тән күміс тембрлі даусымен ол миллиондаған көрерменнің жүрегін жаулап, орындаушылық шеберлігімен таң қалдырды. Әлемдік классиканың туындыларын түпнұсқа тілінде орындаған алғашқы қазақ әншісі болып, опера өнерін дамытуға өлшеусіз үлес қосты. Оны «Қазақтың бұлбұлы» деп атап, өнері мен таланты үшін жоғары бағалайды.
Виртуалды кітап көрмесінде Бибігүл Төлегенованың шығармашылығы туралы кітаптар, мақалалар, сондай-ақ Бибігүл Төлегенова басты партияларды орындаған шығармалардың репертуары ұсынылған. Олардың арасында: Е. Брусиловскийдің «Қыз Жібек», Е. Рахмадиевтің «Алпамыс», Г. Жұбанованың «Еңлік-Кебек» опералары және басқа да орыс және батыс еуропалық классиктердің, кеңестік және қазақстандық композиторлардың туындылары, қазақ халық әндері және әлем халықтарының әндері бар.
Бибігүл Ахметқызының бай шығармашылық мұрасымен танысу үшін ҒАКҚ Электронды кітапханасына кіріп, «Виртуалды көрме» бөлімін қараңыз немесе мына сілтеме арқылы өтіңіз.
Көрме 2024 жылдың 25 желтоқсанынан 2025 жылдың 25 қаңтарына дейін қолжетімді болады:
http://185.217.181.84:8087/JIrbis2/index.php?option=com_irbis&view=irbis&Itemid=385
Ұлы әншінің шығармашылығы сіздерді жаңа жетістіктерге шабыттандырып, Қазақстанның бай музыкалық мәдениетімен таныстыруға себеп болсын!