Камералық музыка концерті 2022.10.28

28 қазан күні Құрманғазы атындағы Қазақ ұлттық консерваториясының Ф. Шопен атындағы камералық залында Камералық музыка концерті өтті. Кеште есімі әлемге әйгілі Иоганн Себастьян Бахтың скрипка мен фортепианоға арналған № 2, 4, 6 сонаталары көпшілік назарына ұсынылды. Көрерменді көрнекті композитордың сазды музыкасымен сусындатқан кеште скрипкада Еркен Мырзағалиев, ал, фортепианода Қанат Мәлікайдар виртуозды өнер көрсетті.