Консерватория жаңалықтары
2023 жылдың 22 желтоқсанында Мәскеу қаласындағы П.Чайковский атындағы консерваторияның Үлкен залында Үлкен Опера телевизиялық жобасының марапаттау рәсімі мен Гала концерті өткен еді. Оған Қазақстан, Ресей, Беларусь, Өзбекстан және өзге де елдерден келген жас кәсіби опера әншілері қатысып, өнер көрсетті.
Жақында Алматы қаласы Жастар саясаты басқармасының қолдауымен «Алматы студенттер Альянсы» корпоративтік қорының ұйымдастыруымен Алматы қаласының жастары арасында «Jas Gala - 2023» байқауы өткен еді.
2023 жылдың 20 желтоқсанында консерваторияның Ғ.Жұбанова атындағы Камералық залында ҚР Еңбек сіңірген қызметкері, Қазанғап мектебінің жалғастырушысы, күйші Бақыт Басығараевтың 95 жылдығына арналған "Қазанғаптың ізімен" атты еске алу кеші болып өтті.
2023 жылдың 19 желтоқсанында консерваторияның Е.Рахмадиев атындағы Үлкен концерт залында Қазақстан Республикасының Еңбек сіңірген қайраткері, Қазақ Ұлттық Өнер университетінің профессоры Нұрлан Измайловтың Фортепиано Музыка кеші өтті.
2023 жылдың 15 желтоқсанында консерваторияның А.Жұбанов атындағы Кіші концерт залында «Халық музыкасы» факультеті «Домбыра» кафедрасының ұйымдастыруымен Құбыш Мұхитовтың 95 жылдығына арналған «Тұғыры текті-Тарланбоз» атты концерт өтті.
2023 жылдың 15 желтоқсанында консерваторияның Е.Рахмадиев атындағы Үлкен концерт залында Құрманғазы атындағы Қазақ ұлттық консерваториясы Студенттік симфониялық оркестрінің Жаңа жылдық концерті болып өтті.
2023 жылдың 15 желтоқсанында консерваторияның А.Жұбанов атындағы Кіші залында «Баян музыкасының кеші» болып өтті.
