Консерватория жаңалықтары

Құрманғазы атындағы Қазақ ұлттық консерваториясының «Арт-менеджмент» мамандығының 1-курс студенті Тоғжан Молдалім Нұрсұлтан Назарбаев Қорының Шығармашыл жастардың «ЖасSTAR» Халықаралық фестивалінің аясында өткен республикалық «ЖасSTAR Grants Program» байқауының он жеңімпазының бірі атанды.

2022 жылғы қазанның 18 мен 22 күндері Брюссельде Дәстүрлі музыка жөніндегі Халықаралық кеңесте (ICTM) «Тарихи қайнарлар» зерттеушілік тобының XXIV Симпозиумы өтті. Онда белгілі қазақстандық этномузыкатанушы Базаралы Мүптекеевтің монографиясын, ноталық жинағын және компакт-дискісін жарыққа шығару жөніндегі жоба жұрт назарына ұсынылды.

Бүгін Құрманғазы атындағы Қазақ ұлттық консерваториясының Е.Рахмадиев атындағы үлкен концерт залында  дәстүрлі өнердің қара шаңырағындағы Республика күнін мерекелеу аясында өткізілген кешенді іс-шаралардың қорытындысы ретінде «Жасай бер, Қазақ елі!» атты Республика күніне арналған мерекелік концерт өтті.

Алматыда «АУЭР МҰРАСЫ» форум-фестивалі аяқталды. Жобаны Dala Classic музыкалық агенттігі Құрманғазы атындағы Қазақ ұлттық консерваториясымен және К. Байсейітова атындағы дарынды балаларға арналған Республикалық мамандандырылған музыкалық орта мектебімен бірлесе отырып жүзеге асырды. Мұхит асып келген кәсіпқой музыканттар Ұлттық консерваторияда үш күн бойы шеберлік-сыныптарын өткізді. Саша Гросчан – виолончельде, Алла Арановская – скрипкада, ал, Борис Вайнер альт аспабында және камералық ансамбльде орындаушылық шеберліктен дәрістер берді. Сонымен қатар, консерваторияның «Б» корпусындағы конференц-залда Ресейлік ағартушы-ғалым Денис Фон Мекк «Чайковский – әлем картасында», «Чайковский және Моцарт» деген тақырыптар бойынша П. Чайковский тұлғасы туралы дәрістер өткізді.

Республика күні қарсаңында консерваторияның «Қамқор» студенттік еріктілер клубының ұйымдастыруымен «КЕҢЕС» мүгедек балаларға арналған оңалту орталығында «Күнім менің» атты қайырымдылық концерті өтті. Бұл іс-шараның мақсаты – мейірімділік пен ізгілікті, қамқорлық пен сүйіспеншілікті жастардың бойына сіңіру.

Таяуда Құрманғазы атындағы Қазақ ұлттық консерваториясының ЖІК-і (Жастар ісі жөніндегі комитет) мен Жүргенов атындағы Қазақ ұлттық өнер академиясының ЖІК-і ұйымдарының арасындағы ынтымақтастық меморандумына қол қойылды!

21 қазан күні Құрманғазы атындағы Қазақ ұлттық консерваториясының А. Жұбанов атындағы Кіші залында «Флейта музыкалық кеші» өтті.

Қазанның 26 жұлдызында Құрманғазы атындағы Қазақ ұлттық консерваториясының Е.Рахмадиев атындағы үлкен концерт залында  өнер-білім ордасындағы Республика күнін мерекелеу аясында өткізілген кешенді іс-шаралардың қорытындысы ретінде «Жасай бер, Қазақ елі!» атты Республика күніне арналған мерекелік концерт жоспарланып отыр. Мерекелік шара шымылдығын консерватория ректоры Арман Әділханұлы ашып, өнер-білім ордасының оқытушылары мен студенттерін салтанатты түрде марапаттау рәсімін өткізбек.

2022 жылдың 19 қазанында Е.Рахмадиев атындағы үлкен концерт залында Тәрбие және әлеуметтік жұмыстар жөніндегі проректор Ешмұханов Мұхамбет Ашхатұлының консерватория студенттерімен «Жаңа Қазақстан» атты кураторлық сағат өтті.