Консерватория жаңалықтары

2022 жылдың 10-11 қарашасында, Түркістан қаласында өткен «Қазақ Романсиадасы - 2022» Халықаралық вокалистер байқауына Құрманғазы атындағы Қазақ ұлттық консерваториясының студенттері қатысып, жүлделі оралды. 

2022 жылы 11 қараша күні консерваторияның Е.Рахмадиев атындағы үлкен концерт залында «Арт-менеджмент» мамандығының 2-курс студенттерінің ұйымдастыруымен «Hassak» этно-фольклорлық тобының концерті өтті.

2022 жылдың 10 қарашасында консерваторияның Ф. Шопен атындағы камералық залында «Үрмелі және ұрмалы аспаптар» кафедрасының доценті Әбдірашев Бақтияр Төлепбергенұлының сынып студенттерінің концерті өтті.

«Жоғары оқу орнының үздік оқытушысы» байқауының I кезеңі (ЖОО ішінде) аяқталды.

2022 жылдың 18-22 қарашасы аралығында Құрманғазы атындағы Қазақ ұлттық консерваториясының Е.Рахмадиев атындағы үлкен концерт залында V халықаралық камералық музыка фестивалі өтеді. Бұл фестиваль Алматы шаһарының мәдени өміріндегі маңызды әрі қызықты оқиғаның бірі болмақ.

2022 жылы 9 қараша күні консерваторияның Е.Рахмадиев атындағы үлкен концерт залында кураторлық сағат аясында өнер-білім ордасы студенттерінің кәсіпкер, Yokohama және Triangle шиналарының дистрибьюторы, Daco motors KZ компаниясының, SamgaPress баспасының иесі Сырымбек Таумен кездесуі өтті. Алдымен кураторлық сағатты консерваториямыздың Тәрбие және әлеуметтік жұмыстар жөніндегі проректоры Ешмұханов Мұхамбет Ашхатұлы  ашып, арнайы келген қонақты студенттерге таныстырды.

2022 жылдың 8 қарашасында консерваторияның А.Жұбанов атындағы кіші концерт залында «Арнайы фортепиано» кафедрасы Халықаралық пианистер күніне арналған концерт өткізді.

2022 жылдың 7 қарашасында Құрманғазы атындағы Қазақ ұлттық консерваториясында Қазақ ұлттық өнер университеті «Музыкатану және композиция» кафедрасының доценті, өнертану ғылымының кандидаты Байбек Айгүл Қыдырғалиқызының қазақ және орыс тілдерінде жарық көрген «Этносольфеджио» курсының оқулықтары мен монографиясының тұсаукесер рәсімі өтті.

2022 жылдың 7 қарашасында  консерваторияның Е.Рахмадиев атындағы үлкен концерт залында Қазақстандағы қобыз өнерінің өркен жаюына үлкен үлес қосқан өнер қайраткері, ҚР білім беру ісінің құрметті қызметкері, Құрманғазы оркестрінің ардагері, қобызшы, Құрманғазы атындағы Қазақ ұлттық консерваториясының профессоры Зере Бейсембаеваның 90 жылдық мерейтойына арналған еске алу кеші өтті.