Консерватория жаңалықтары
Бүгін Құрманғазы атындағы Қазақ ұлттық консерваториясының мәжіліс залында Президентіміз Қ.К.Тоқаевтың Жарлығымен «Қазақтанның халық әртісі» атағына ие болған әріптестеріміз, өнер-білім ордасының ұлағатты ұстаздары, ұлттық өнердің дамуына үлкен үлес қосып жүрген – күйші-ұстаз, «Домбыра» кафедрасының профессоры Үлкенбаева Айгүл Нариманқызын, әнші-ұстаз, «Халық әні» кафедрасының доценті Стамғазиев Рамазан Өмірәліұлын және опера әншісі, «Вокалдық өнер» кафедрасының аға оқытушысы Күзембаев Талғат Пердебекұлын консерватория ректорының міндетін уақытша атқарушы Әбдірахман Гүлнар Бақытқызы бастаған консерватория ұжымы арнайы құттықтап, марапат иелеріне құрмет көрсетті.
Жақында Астана қаласында өткен «Шабыт-2023» XXVI Халықаралық шығармашыл жастар фестивалінде Құрманғазы атындағы Қазақ ұлттық консерваториясының «Үрмелі және ұрмалы аспаптар» кафедрасының бірқатар білім алушылары бақтарын сынап, нәтижесінде аталмыш өнер додасының жеңімпаздары атанды.
2023 жылдың 26 қазанында консерваторияның Ғ.Жұбанова атындағы Камералық залында «Домбыра мен фортепианоға арналған хрестоматия» атты жаңа оқулық-кітаптың тұсаукесері аясында «Домбыра» кафедрасының аға оқытушысы, өнертану магистрі Баян Игіліктің «Әлемді тербеткен музыка» атты сынып концерті өтті.
Ғылыми-ақпараттық кітапхана қызметі 25 қазан - Республика күніне орай «ТӘУЕЛСІЗ ҚАЗАҚСТАН РЕСПУБЛИКАСЫ» атты дәстүрлі және виртуалды кітап көрмесін ұйымдастырды.
2023 жылдың 13-18 қазан айы аралығында Бейжіңдегі Қытай Орталық музыка консерваториясының қолдауымен музыкалық білім берудің Үшінші альянсы аясында «Бір белдеу-бір жол» халықаралық ғылыми-практикалық конференциясы өткен еді. Аталмыш конференцияға Құрманғазы атындағы Қазақ ұлттық консерваториясының оқытушылары Г.Далбағай, Д.Кешубаева, А.Қарсақбаева, Ә.Алина арнайы барып, қатысып қайтты.
2023 жылдың 20 қазанында консерваторияның А.Жұбанов атындағы кіші залында ҚР Мәдениет қайраткері, күйші-композитор, «Халық музыкасы» факультетінің деканы, профессор Төлепберген Тоқжановтың өнертанушыларға, музыка зерттеушілері мен орта және жоғары оқу орындарының оқытушыларына, студенттеріне арналған «Алпамыс батыр» оқу құралының тұсаукесері және «Халық әні» кафедрасының оқытушылары Аққалқа Ахметова, Күнқожа Қайрулла және Венера Қаржаубаеваның «Көнеден көшкен жыр керуен» атты класс-концерті өтті.
Қазанның он жетісінен бері Құрманғазы атындағы Қазақ ұлттық консерваториясында әлемдік музыка өнеріндегі көрнекті тұлға, Ференц Лист музыкалық академиясының профессоры (Венгрия), философия докторы, – доктор Ласло Стахо қонақта. 17-20 қазан аралығында консерватория қабырғасында доктор Ласлоның әртүрлі тақырыпта шеберлік-сыныптары және жеке концерті жоспарланған болатын.