Консерватория жаңалықтары

Құрманғазы атындағы Қазақ ұлттық консерваториясы «Үрмелі және ұрмалы аспаптар» кафедрасының профессоры Жанат Ермановтың жетекшілігімен құрылған Мемлекеттік қарағайлы үрмелі аспаптар квинтеті Халықаралық байқаудың жеңімпазы атанды.

Құрманғазы атындағы Қазақ ұлттық консерваториясы «Халық әні» кафедрасының доценті Еркін Тұрсынғалиұлы Шүкімановты Қазақстан Республикасы Білім және ғылым министрлігі Білім және ғылым саласындағы сапаны қамтамасыз ету комитетінің «Ғылыми атақ беру туралы» бұйрығы бойынша «Қауымдастырылған профессор» (доцент) ғылыми атағын алуымен құттықтаймыз!

ҚР МСМ "Құрманғазы атындағы Қазақ ұлттық консерваториясы" РММ Сіздерді "Қаржы орталығы" АҚ менеджері қатысуымен өтетін онлайн іс-шараға қатысуға шақырады.

Консерваторияға түсу мәселелері бойынша талапкерлермен онлайн-кездесу

22-23 мамыр күндері ҚР Тәуелсіздігінің 30 жылдық мерейтойына және композитор Кеңес Дүйсекеевтің 75 жылдығына арналған «Кеңес Дүйсекеев атындағы І Республикалық «Хор аранжировкасы»» атты байқау өтті. Онлайн форматтағы байқауды Мәдениет және спорт министрлігіне қарасты РММ Қазақ ұлттық өнер университетінің «Хор дирижерлеу» кафедрасы ұйымдастырды.
Аталмыш байқауға Қазақстанның композиторлар одағы, Кеңес Дүйсекеев қоры, сондай-ақ, Қазақ ұлттық өнер университетінің ректоры, Қазақстанның Халық артисі Айман Қожабекқызы Мұсақожаева қолдау көрсетті.
Байқау лауреаттары «А капелла және сүйемелдеуге арналған хор шығармаларының аударымдары» номинациялары бойынша іріктелді.
«Кеңес Дүйсекеев атындағы І Республикалық «Хор аранжировкасы» байқауында Құрманғазы атындағы Қазақ ұлттық консерваториясының студенті Шин Даниил Владимирович топ жарып, Гран-при иегері атанды. Оза шауып, бәйге алған білім алушымыз Даниил Шиннің өнер биігінде самғай беруіне тілектеспіз!

MusiQuE өзінің алғашқы вебинарында сізбен кездесуді асыға күтеді!
Құрметті әріптестер!
Құрметті ЕКҚ мүшелері!
MusiQuE – Music Quality Enhancement бұл ЕКҚ-ның серіктес ұйымдарының бірі және сізді қызметкерлер мен студенттерге арналған жоғары (музыкалық) білім беру сапасын қамтамасыз ету бойынша алғашқы веб-семинарға қатысуға шақырады. Вебинар 2021 жылдың 23 маусымы, сәрсенбі күні, Орталық Еуропа уақыты бойынша сағат 15:00-ден 16:30-ға дейінгі аралықта (CEST) өтеді.
MusiQuE –Еуропа мен одан тыс жерлердегі жоғары музыкалық білімнің сапасын үнемі жақсартуға, сондай-ақ жоғары музыкалық оқу орындарының жұмыс сапасын жақсартуға көмектесетін, сыртқы бағалаумен айналысатын мамандандырылған орган.
Веб-семинарда алдымен, сапаны қамтамасыз ету мәселесі қарастырылады, осы тұжырымдамаға толық түсініктеме беріледі және еуропалық жоғары білім кеңістігіндегі осы саладағы негізгі тенденциялар мен негізгі тұлғалар ұсынылады. Содан кейін веб-семинарда MusiQuE осы салада қандай орын алатындығы және біздің ұйым осы салаға қалай үлес қосатынын талқылауға арналған пікірталас жүргізеді.
Осыған орай, MusiQuE төмендегі спикерлерге сөз береді:
Тиа Луккола (Еуропалық Университеттер Қауымдастығының институционалдық даму бөлімінің директоры – EUA);
Мария Кело (Еуропалық жоғары білім беру сапасын қамтамасыз ету қауымдастығының директоры – ENQA);
Мартин Пршал (Гаагадағы корольдік консерватория, MusiQuE-тің бұрынғы төрағасы);
Модератор-Гордон Монро (MusiQuE Төрағасы).
Вебинар басшыларға, студенттерге, сапаны қамтамасыз ету мәселелерімен айналысатын қызметкерлерге және жоғары музыкалық оқу орындарының оқытушыларына арналған. Бұл веб-семинар алдағы бірнеше айда өткізілетін MusiQuE веб-семинарларының алғашқысы болып табылады. Веб-семинарлар сериясы туралы қосымша ақпаратты MusiQuE веб-сайтынан табуға болады.
Вебинарға тіркелу тегін және осы сілтеме арқылы жүзеге асырылуы мүмкін. Тіркелу мерзімі: 2021 жылдың 16 маусымы, сәрсенбі, сағат 18:00-ге CEST дейін.
ТІРКЕЛУ!
MusiQuE сізді өзінің алғашқы вебинарында күтеді! Қандай да бір сұрақтар туындаған жағдайда, бізге мына мекенжай бойынша хабарласуыңызды сұраймыз: MusiQuE поoffice@musique-qe.eu.
Құрметпен,
ЕКҚ командасы.

"Эразмус +" халықаралық бағдарламасы және Вроцлавтағы (Вроцлав қ., Польша) К. Липинский атындағы музыкалық Академиямен ынтымақтастық туралы Келісім аясында, ағымдағы 2020-2021 оқу жылына "Дирижерлеу" мамандығының оқытушылары арасында білім беру жобасына қатысуға конкурс жарияланған болатын.

2020-2021 жыл аралығында "British Council" ұйымының ұйымдастыруымен халықаралық " Creative Spark Bid Idea Challenge" конкурсы өткізілді. Бұл конкурста жаңа идея мен инновациялық жобаларды қолдау үшін әрбір сала бойынша жеңімпазға 2000£ грант тағайындалған болатын. Қазақстанның атынан Құрманғазы атындағы Қазақ ұлттық консерваториясы "Домбыра" мамандығының студенті Әбиділда Мәртебе жетекшісі Кешубаева Динара Ермекқызының қолдауымен "More than music" жобасын ұсынып,  Қазақстандық қатысушылар арасында жеңімпаз атанып, аталмыш грантқа ие болды. Студентімізді жеңісімен құттықтап, шығармашылық табыс тілейміз!

Құрманғазы атындағы Қазақ ұлттық консерваториясына ҚР Мәдениет және спорт министрлігі жанындағы «Адалдық алаңы» жобалық кеңсесінің төрағасы Марат Болысбекұлы келіп, қызу жүріп жатқан күрделі жөндеу жұмыстарының барысымен танысты.

Марат Қамзолдаев жөндеу жұмыстарын тексеріп, құрылыс басында шағын жиналыс өткізді. Оған аға техникалық қадағалаушы мен кіші техникалық қадағалаушы, учаске бастығы мен құрылыс жұмыстарына жауапты бас прораб, сондай-ақ, консерватория қызметкерлерінен бас инженер Амангелді Қабиден қатысты. Жиналыс барысында Марат Болысбекұлы күрделі жөндеу жұмыстарының нәтижелеріне көңілі толатындығын айтып, оң бағасын берді.